FLASH NEWS
VIDEO/ Provokime dhe përplasje të dhunshme në Vlorë, shfaqen pamjet e kaosit në tunelin e stadiumit
2026-03-14 22:16:31 / SPORT
Ndeshja mes Flamurtarit dhe Elbasanit në Vlorë është mbyllur mes kaosit në tribuna e jo vetëm.
Fillimisht skuadra e Elbasanit shkoi të festonte me tifozët e vet në fund të ndeshjes, e më pas iu drejtua dhomave të zhveshjeve. Por situata u tensionua mes tifozëve elbasanas dhe forcave të policisë në stadium teksa kishte edhe përplasje mes tyre për disa momente. Edhe drejtori i Flamurtarit, Alfred Ferko, u desh të afrohej te tribuna në fjalë për të qetësuar gjakrat, ndërsa tifozët vendas nuk kursyen gjuajtjet me sende dhe fishekzjarrë ndaj elbasanasve.
Incidentet vazhduan më pas në ambientet e brendshme të stadiumit. Raportohet se kapiteni i Elbasanit, Musta, ka provokuar stafit dhe futbollistët e Flamurtarit, të cilët po largoheshin drejt dhomave të zhveshjes.
Situata u përshkallëzua më tej, duke degjeneruar në përplasje mes lojtarëve, teksa bëhet e ditur se kishte edhe dhunë fizike. Kjo solli ndërhyrjen e forcave të rendit që tentuan të qetësonin palët, me trajnerin Gvozdenoviç i cili u ndalua të shkonte të qetësonte futbollistët, siç shihet në videon e mëposhtme.
Happening now...
ideas
top
TRENDING 
services
- POLICE129
- STREET POLICE126
- AMBULANCE112
- FIREFIGHTER128