Telefonata Trump–Xi për ‘TikTok’, SHBA dhe Kina drejt marrëveshjes, dy liderët diskutojnë për takimin e ardhshëm, ja ku do të zhvillohet

Presidenti amerikan Donald Trump dhe Presidenti i Kinës, Xi Jinping, zhvilluan sot një bisedë telefonike “shumë produktive”, siç u përshkrua nga vetë Trump në një postim në rrjetin e tij social Truth Social.

Në qendër të diskutimit mwsohet se kanë qenë disa çështje kyçe mes dy vendeve, përfshirë TikTok, tregtinë dhe luftën në Ukrainë.

“Sapo përfundova një telefonatë shumë produktive me Presidentin Xi të Kinës. Bëmë përparim në shumë çështje të rëndësishme, përfshirë miratimin e marrëveshjes për TikTok,” shkroi Trump nw Truth Social.

Ai shtoi se të dy liderët janë dakorduar për një takim të drejtpërdrejtë në samitin APEC që do të mbahet në Korenë e Jugut në fund të tetorit, ndërsa ka paralajmëruar gjithashtu një vizitë të tij në Kinë në fillim të vitit të ardhshëm, si dhe një vizitë të Xi Jinping në SHBA në një moment të përshtatshëm.

SHBA dhe Kina duket se po afrohen drejt një marrëveshjeje për të transferuar asetet amerikane të TikTok te investitorët amerikanë, pas presionit nga Kongresi, i cili më herët këtë vit miratoi një ligj që ndalon aplikacionin nëse kontrolli kinez nuk hiqet. Megjithatë, nuk ka ende një përditësim zyrtar mbi përmbajtjen dhe afatet e kësaj marrëveshjeje.

Qëndrimi i Kinës: SHBA duhet të shmangë kufizimet tregtare – TikTok të trajtohet me drejtësi

Në një deklaratë zyrtare nga presidenca kineze, biseda telefonike u përshkrua si “realiste, pozitive dhe konstruktive”, duke u përqendruar në ndërtimin e marrëdhënieve të qëndrueshme dypalëshe.

Presidenti Xi Jinping theksoi se “SHBA duhet të shmangë vendosjen e kufizimeve të njëanshme tregtare dhe të krijojë një mjedis të hapur e të paanshëm për investitorët kinezë. Për TikTok, ne besojmë në një zgjidhje në përputhje me ligjet e tregut dhe interesat e ndërsjella.”

Kreu i shtetit kinez kujtoi gjithashtu lidhjet historike midis dy vendeve, duke përmendur bashkëpunimin gjatë Luftës së Dytë Botërore dhe përkujtimin e “Tigrave Fluturues”, pilotët amerikanë që ndihmuan Kinën gjatë luftës kundër Japonisë.

I just completed a very productive call with President Xi of China. We made progress on many very important issues including Trade, Fentanyl, the need to bring the War between Russia and Ukraine to an end, and the approval of the TikTok Deal. I also agreed with President Xi that…

— Trump Truth Social Posts On X (@TrumpTruthOnX) September 19, 2025

Po ndodh...

09:51 AKTUALITET

Tregtonin lëndë piroteknike në bizneset e tyre, arrestohen dy persona në Tiranë, procedohet penalisht një tjetër

09:27 AKTUALITET

Protesta e fermerëve grekë, bllokohet aksi Kakavijë–Janinë

09:15 AKTUALITET

Kush është shqiptari që drejtonte trafikun e drogës në Foggia të Italisë, roli dhe lidhja me klanet mafioze

09:01 BOTA

Samiti i fundvitit në Bruksel/ Në fokus asetet e ngrira ruse për Ukrainën dhe konsultimet me përfaqësuesit nga Ballkani Perëndimor

08:41 BOTA

Shembet një ndërtesë në Teheran, njerëzit mbeten të bllokuar brenda rrënojave

08:32 EKONOMI&SOCIALE

Këmbimi valutor 17 dhjetor/ Me sa blihen e shiten sot monedhat e huaja

08:25 BOTA

Masakra në Sydney, Naveed Akram përballet me 59 akuza, mes tyre 15 për vrasje

08:14 AKTUALITET

Vranësira dhe reshje shiu, parashikimi i motit për ditën e stome

08:03 JETË

Horoskopi Ditor E Mërkurë 17 Dhjetor 2025

00:02 SPORT

Të çmendur pas Muçit! Presidenti i shoqatës së tifozëve të Trabzonsporit bën thirrje: Ta blejmë ne me paratë tona!

00:01 Fjalëkryq

Skemë e lirë 17 dhjetor

23:52 SPORT

Jurgen Klop zgjedh 4 trajnerët më të mëdhenj, përfshin edhe një rival historik

23:45 BOTA

Shefi i Mossadit: Përgjegjësia jonë të parandalojmë Iranin nga rifillimi i programit të tij bërthamor

23:41 SPORT

Emergjencë totale në mbrojtjen e Arsenalit, dëmtohet edhe Ben White

Dua të lexoj më shumë lajme