5 policë të plagosur nga përplasjet në veri të Kosovës

26 Maj 2023, 17:35 / KOSOVA ALFA PRESS

5 policë të plagosur nga përplasjet në veri të

Pesë policë janë lënduar dhe katër automjete janë dëmtuar nga incidentet në veri të Kosovës.

Kështu ka bërë të ditur Policia e Kosovës, duke theksuar se një prej makinave është djegur.

Me qëllim të pengimit të hyrjes së kryetarëve në objektet komunale, disa qytetarë janë mbledhur para ndërtesave komunale në veri të vendit.

Përveç personave të angazhuar dhe automjeteve të tyre të vendosura në afërsi dhe pranë objekteve komunale, në komunat veriore janë lëshuar edhe alarmet të cilat përdoren nga strukturat kriminale për mobilizim dhe tubime.

Policia ka konfirmuar se protestuesit në Zveçan kanë filluar të shfaqin dhunë duke hedhur mjete të forta dhe shok bomba në drejtim të policisë.