Gjyqi në Hagë, Presidentja Osmani: Pavarësia e Kosovës rezultat i sakrificës së popullit dhe UÇK-së

Presidentja e Kosovës, Vjosa Osmani, ka theksuar se pavarësia e Kosovës është rezultat i vullnetit të popullit dhe i një sakrifice shekullore, duke kujtuar rolin e Ushtrisë Çlirimtare të Kosovës dhe viktimat e shumta gjatë luftës.

“Pavarësia e Kosovës ishte vullneti i popullit të Kosovës. Ishte një sakrificë shekullore, për të cilën dhanë jetën mijëra dëshmorë dhe civilë të pafajshëm, dhe për të cilën luftuan me heroizëm Ushtria Çlirimtare e Kosovës”, shkroi Osmani në një postim në Facebook.

Ajo ka denoncuar gjithashtu krimet e kryera nga Serbia gjatë luftës, duke i cilësuar si gjenocid, krime kundër njerëzimit dhe krime lufte. Sipas presidentes, strategjia e Serbisë kishte për qëllim shfarosjen e popullit shqiptar, duke përfshirë vrasjen dhe masakrimin e mijëra fëmijëve, grave dhe burrave, dhunimin e mijëra personave, shkatërrimin e qindra mijëra shtëpive, dëbimin e mbi 80% të qytetarëve nga vendbanimet e tyre dhe spastrimin etnik.

Osmani kritikoi përpjekjet për të barazuar luftën e UÇK-së me krimet e kryera nga Serbia, duke theksuar se këto tentime dëmtojnë drejtësinë dhe minojnë paqen afatgjatë.

“Çdo përpjekje për të barazuar luftën çlirimtare të UÇK-së me veprimet e agresorit gjenocidal serb e minon besimin në drejtësi dhe e dëmton rëndë paqen afatgjatë”, theksoi ajo.

Në përfundim, presidentja Osmani ritheksoi kërkesën për drejtësi dhe rëndësinë e ruajtjes së së vërtetës historike:

“Kosova dhe qytetarët e saj kërkojnë drejtësi. Lufta e UÇK-së ishte e drejtë dhe e pastër. Kjo e vërtetë nuk mund të ndryshohet nga përpjekjet për ta rishkruar historinë dhe për ta zhvleftësuar betejën e popullit të Kosovës për liri”, përfundoi Osmani.

Po ndodh...

19:39 BOTA

Suedia ndryshon ligjin e shtetësisë, rrit kërkesat për emigrantët

19:19 POLITIKË

Protesta e PD të martën, Berisha: Të martën e gjithë Shqipëria në Tiranë, Rama do ketë fatin e Enver Hoxhës për së gjalli

19:05 SPORT

Milani po synon të fitojë 70 milionë euro nga lojtarët e dërguar në huazim

19:01 POLITIKË

“Smart City”/ 140 milionë dollarë borxh, për një projekt me pikëpyetje mbi privatësinë

18:55 POLITIKË

GJKKO miraton kërkesën e SPAK, dërgon në gjyq Veliajn, Klotilda Bushkan, Eman Abulen dhe të tjerët

18:40 AKTUALITET

Aksident në Rrugën e Arbrit, përplasen 2 automjete

18:29 POLITIKË

Nis Foltorja e PD, Berisha mbërrin në sheshin para Kryeministrisë

18:17 POLITIKË

Prokuroria e Hagës kërkon 180 vite burg për ish-krerët e UÇK, Spiropali: Akuzat e ngritura ngrenë pikëpyetje mbi standartet e procesit!

18:00 KOSOVA

“Ndalu, ndalu”/ Mësuesi dhunon nxënësin në Prishtinë, grushte dhe shkelma (VIDEO)

17:48 AKTUALITET

Prefekti i ri i Tiranës nis punën/ Shkëlqim Hajdari: Puna e parë, mbledhje me kryebashkiakët

17:38 BOTA

Programi bërthamor, Irani: Do të hollojmë uraniumin nëse SHBA heq sanksionet

17:21 POLITIKË

Tabaku propozon rikthimin e akcizës së diferencuar për birrën: Mbështetje për prodhuesit e vegjël

17:09 SPORT

Paraqitjet e legjionarëve, Ajeti protagonist me dy gola, Seferi dhe Muçi vendimtarë

17:05 Fjalëkryq

Skemë kampionësh 9 shkurt

Dua të lexoj më shumë lajme