Lajme flash
INDEP: Rreth 70% e të rinjve kanë menduar të lënë Kosovën
23 Shkurt 2024, 16:47 / KOSOVA
Instituti për Politika Zhvillimore (INDEP) në bashkëpunim me Institutin për Studime dhe Prognoza Strategjike (ISSP) kanë prezantuar hulumtimin etnografik “Hulumtimin mbi popullatën NEET për tre komuna të Kosovës – Pejë, Deçan dhe Junik”.
Në këtë hulumtim janë përfshirë të rinjtë prej moshës 15-29 vjeçare të komunave te lartëcekura, të cilët nuk janë në shkollë e as në marrëdhënie pune.
Sipas të dhënave nga hulumtimi, rreth 70 për qind e të rinjve kanë menduar te largohen nga Kosova dhe për të kërkuar punë jashtë vendit.
36.7% e individëve e konsiderojnë rregullisht emigracionin për mundësi punësimi, duke treguar një dëshirë të fortë ose nevojë të perceptuar për të gjetur punë jashtë vendit të tyre.
Gjithashtu, 35.0% e tjerë mendojnë herë pas here këtë lëvizje, e cila mund të sugjerojë një plan kontingjent në varësi të perspektivës së punësimit të tyre në familje.
Ndërkohë, 28.3% nuk e konsiderojnë fare largimin, potencialisht për shkak të lidhjeve më të forta me atdheun e tyre ose besimit më të madh në mundësitë lokale.
“Qeveria duhet të përmirësojë shërbimet formale të punësimit dhe portalet e punës në internet, duke i përshtatur ato sipas modeleve të përdorimit të NEET. Një fushatë informuese, e bazuar nga hulumtimet në terren, duhet të nisë për të promovuar këto shërbime në mesin e NEET”, thuhet në raportin e INDEP./Monitor
-
Hiqet flamuri serb nga Kalaja e Zveçanit, çfarë thotë policia
23 Shkurt, 16:23 -
Parlamenti gjerman miraton projektligjin për legalizimin e kanabisit
23 Shkurt, 16:16
Po ndodh...
Pse Aleanca Madhështore përfundoi në Foltore 2
Nga Namir Lapardhaja
ide
Teatri politik me listat e PS dhe PD
Nga Roland Lami
Shqipëria Madhështore apo Shqipëria e Pazarit Madhështorë!
Nga Ermal Peçi!
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128