Iniciativa për tërheqjen e njohjes së Kosovës/ Ministri shqiptar Marash Dukaj përplaset me serbët në Mal të Zi

Ministri i Administratës Publike në Mal të Zi, Marash Dukaj, njëherazi përfaqësues i Forumit Shqiptar të udhëhequr nga Nik Gjeloshaj, ka reaguar ashpër ndaj përpjekjeve të qarqeve pro-serbe për të vënë në diskutim njohjen e Kosova.

Reagimi i Dukajt vjen pas miratimit të një deklarate nga Kuvendi i Komunës së Zetës, ku kërkohet simbolikisht anulimi i vendimit shtetëror për njohjen e Kosovës – një akt pa efekt juridik, por me peshë në diskursin politik.

Ministri shqiptar e cilësoi këtë zhvillim si një ndërhyrje të papranueshme në kompetencat shtetërore dhe një goditje ndaj marrëdhënieve të fqinjësisë së mirë.

“Bëhet fjalë për përpjekje për të marrë kompetenca që nuk u takojnë dhe për të ndërhyrë në marrëdhëniet e fqinjësisë së mirë, të cilat janë objektiv parësor i vendit tonë,” theksoi Dukaj.

Ai nënvizoi se akte të tilla, megjithëse pa fuqi detyruese, përbëjnë një devijim serioz institucional dhe janë të motivuara nga interesa të ngushta politike dhe kalkulime gjeopolitike.

“Në vend që të punohet për përmirësimin e jetës së qytetarëve, po dëshmojmë përpjekje për shpërbërjen e institucioneve… për përfitime politike dhe strategji të caktuara,” u shpreh ai.

Në reagimin e tij, Dukaj përdori një gjuhë të drejtpërdrejtë, duke e cilësuar situatën si një kthim prapa për vendin.

“Definitivisht, dhe për fat të keq – një hap prapa në ndërtimin e së ardhmes europiane.”

Nismat për anulimin e njohjes së Kosovës lidhen me veprimet e partisë pro-serbe Demokratska narodna partija, e udhëhequr nga Milan Knežević. Kjo parti, e cila deri para pak muajsh ishte pjesë e shumicës qeverisëse, ka kaluar në opozitë pasi tërhoqi mbështetjen për qeverinë e kryeministrit Milojko Spajić.

Megjithëse vendimet e marra në nivel komunal nuk kanë ndikim në politikën e jashtme të Malit të Zi, e cila është kompetencë ekskluzive e institucioneve qendrore, ato po përdoren për të ndërtuar një narrativë politike kundër pavarësisë së Kosovës dhe orientimit euro-atlantik të vendit.

Me këtë reagim, ministri Dukaj, përfaqësues i Forumit Shqiptar në qeveri, ka dhënë një mesazh të qartë se çdo tentativë për të sfiduar vendimet strategjike të shtetit dhe për të dëmtuar marrëdhëniet rajonale përbën një rrezik për kursin europian të Malit të Zi

Po ndodh...

22:04 POLITIKË

“Ka probleme me drejtësinë! Me garë unë e mund”/ Salianji sfidon Berishën

21:48 POLITIKË

“Jam i vetmi që depozitova platformë për kryetar”, Salianji: Berisha përjashtoi edhe zonjën Mereme që futi vetë! I thanë do të dalë vota kundër

21:31 POLITIKË

Krasniqi tregon rastet kur është hequr “non grata”: Të gjitha kanë lidhje me gjeopolitikën

21:11 POLITIKË

“Largohu nga politika, të hiqet non grata!” Gazetari Poli Hoxha zbulon ofertën që iu bë Berishës nga ndërkombëtarët

20:58 AKTUALITET

Në kërkim për vrasje, i riu shqiptar arrestohet në Aeroportin e Kolumbisë

20:48 EKONOMI&SOCIALE

Gjirokastra, qarku me numrin më të ulët të lindjeve në Shqipëri

20:26 KOSOVA

“Kosova ka qëllime të qarta”/ Konjufca takohet me Peter Sorensen në Bruksel: Dialogu me Serbinë duhet të përfundojë më njohje reciproke

20:19 BOTA

“Droni detar i gjetur pranë Lefkadas ishte ukrainas”/ Ministri i Jashtëm grek: Çështje serioze

20:02 AKTUALITET

Zbardhet saga e përgjakshme mes Nikulajve dhe Lekstakajve: Ekzekutime, hakmarrje dhe vrasës me pagesë

19:51 SPORT

Mbrojtësi i Arsenalit nuk ia del, mungon në finalen e Champions

19:30 SPORT

Lista e Botërorit, Suedia grumbullon një shqiptar

19:05 BOTA

Rreziku nga hantavirusi? Ministrja franceze e Shëndetësisë: Ende nuk e dimë nëse ka pësuar apo jo mutacion

18:53 SONDAZH

A e do klasa politike shqiptare futjen e Shqipërisë në BE?

18:51 BOTA

“Publiku ka humbur besimin!”/ Thellohet kriza për Keir Starmer, arrin në katër numri i dorëheqjeve nga kabineti! Ministrat i kërkojnë largimin dhe zgjedhje brenda partisë

Dua të lexoj më shumë lajme