Momente dramatike kur boksierit britanik i grabisin orën me diamante në Londër

16 Mars 2023, 22:01 / KOSOVA ALFA PRESS

Momente dramatike kur boksierit britanik i grabisin orën me diamante

Janë publikuar së fundmi gjatë gjyqit të çështjes pamje nga momentet dramatike kur boksierit të njohur britanik Amir Khan i grabisin me armë orën e dorës me vlerë 72,000 paundë.

Sportisti 36 vjeçar tha se kishte mbetur i tmeruar kur burri i maskuar vrapoi drejt tij me armë dhe i kërkoi “të heqë orën”.

Khan ishte për darkë me gruan e tij Faryal, 31 vjece, dhe mikun e tyre Omar Khalid në një restorant në Leyton, në lindje të Londrës, ku ndodhi grabitja. Ahmed Bana, Nurul Amin e Ismail Mohammed, të tre 25 vjeçarë, mohojnë bashkëpunimin në grabitje, kurse 21 vjeçari Dante Campbell, pranoi se ishte grabitësi i armatosur.

Pamjet e kamerave të sigurisë tregojnë boksierin që del nga restoranti dhe më pas kalon rrugën për të shkuar te makina e tij që drejtohej nga Omar kur dy sulmues dalin nga një Mercedes sportiv.

Më pas një person me kapuç vrapon drejt Khan dhe ngre krahun duke i drejtuar pistoletën, teksa boksieri heq orën dhe ia jep.

ide