Lajme flash
Sekretari i Jashtëm britanik David Lammy viziton Kosovën, fokusi te forcimi i lidhjeve mes dy shteteve
2 Prill 2025, 11:26 / KOSOVA
Sekretari i Jashtëm britanik, David Lammy ka nisur një vizitë zyrtare në Kosovë si pjesë e një turneu në Ballkanin Perëndimor. Vizita ka për qëllim forcimin e bashkëpunimit në luftën kundër imigracionit të parregullt dhe krimit të rëndë të organizuar.
Gjatë vizitës, Lammy u prit në Prishtinë nga kryeministri në detyrë Albin Kurti dhe ministrat e Qeverisë së Kosovës.
Ata diskutuan për çështje të sigurisë, situatën gjeopolitike dhe sfidat rajonale. Kurti theksoi nevojën për drejtësi lidhur me sulmin terrorist në Banjskë për të cilin akuzohet Millan Radoiçiq një figurë e rëndësishme nga Serbia.
Një takim me presidenten e Kosovës, Vjosa Osmani, është planifikuar për mëngjesin e së mërkurës. Ministria e Punëve të Jashtme e Kosovës e vlerësoi vizitën e Lammy-t si një shenjë të angazhimit për forcimin e lidhjeve mes dy shteteve dhe avancimin e paqes dhe stabilitetit në rajon.
Vizita e Lammyt është pjesë e një fushate të gjerë diplomatike të Mbretërisë së Bashkuar për të rritur bashkëpunimin me shtetet e Ballkanit, përfshirë edhe për nënshkrimin e marrëveshjeve të reja për luftimin e imigracionit të parregullt dhe sigurinë kufitare.
Po ndodh...
Rama-Meta, si aleanca e 1 Prillit zhbëri Shqipërinë
Nga Namir Lapardhaja
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128