Tensionet në Zveçan, digjen disa makina policie

26 Maj 2023, 14:57 / KOSOVA & BOTA ALFA PRESS

Tensionet në Zveçan, digjen disa makina policie

Të shtëna me armë janë dëgjuar në Zveçan ndërsa janë djegur edhe makina të policisë. Policia e Kosovës ka përdorur gaz lotsjellës për të shpërndarë qytetarët para objektit të Komunës së Zveçanit. Më herët, policia njoftoi se po asiston kryetarët e zgjedhur për të hyrë në objektet komunale.

Kryetari i Zveçanit, ai i Leposaviçit dhe kryetari i Zubin Potokut, të dalë nga zgjedhjet e 23 prillit, kanë kryer betimin të enjten. Asnjëri prej tyre nuk është betuar në objektin e komunës përkatëse, përveç kryetarit të veriut të Mitrovicës.

Zgjedhjet në veri u bojkotuan nga partia më e madhe e serbëve në Kosovë, Lista Serbe, me mbështetjen e Beogradit zyrtar. Kryetarët paraprakë nga kjo parti, dhanë dorëheqje nëntorin e vitit të kaluar.

Ata u larguan nga institucionet në shenjë pakënaqësie me vendimin e Qeverisë së Kosovës që obligonte qytetarët t’i kthejnë targat e veturave nga ilegale në ato të Republikës së Kosovës.

 

ide

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128