English
Luaj me Fjalëkryq
Lajme flash

Gjenerali që guxoi dhe i tha ‘JO’ Hitlerit, por më e rëndësishmja është ajo që ndodhi më pas

2 Dhjetor 2022, 13:47 / MADE IN ALFA ALFA PRESS

Gjenerali që guxoi dhe i tha ‘JO’ Hitlerit, por më e

Gjenerali Dietrich von Saucken ishte një nga gjeneralët më të mirë në ushtrinë gjermane, me shumë përvojë luftarake nga Lufta e Parë Botërore.

Ai u plagos shtatëherë gjatë Luftës së Parë Botërore, luftoi për ushtrinë gjermane dhe në një moment u vendos në Rusi, ku mësoi edhe gjuhën.

Gjatë Luftës së Dytë Botërore, gjenerali Dietrich von Saucken mori pjesë në beteja të shumta dhe u dekorua për veprat e tij heroike, dhe ishte jashtëzakonisht e qartë se ai u përpoq të shpëtonte sa më shumë njerëz nga divizioni i tij.

Megjithatë, në shkurt 1945, pozicioni i tij si gjeneral u hoq sepse ai insistoi që lufta të mos vazhdonte, por një muaj më vonë, ai u rikthye në detyrë për shkak të njohjes së meritave të tij dhe për faktin se ai ishte një gjeneral jashtëzakonisht i mirë.

Hitleri e thirri atë në bunkerin e tij dhe e urdhëroi të merrte pjesë në mbrojtjen e Prusisë Lindore kundër avancimit të Ushtrisë së Kuqe dhe të raportonte gjithçka që ndodhte tek Gauleiter Forster-it (Gauleiter ishte një udhëheqës partiak lokal, çdo rajon kishte një udhëheqës të tillë), por von Saucken nuk e pranoi një gjë të tillë.

Në atë moment, ai goditi tryezën dhe kundërshtoi, një sjellje që tërhoqi vëmendjen e liderit nazist.

Për më tepër, ai pati guximin t'i drejtohej Hitlerit me pseudonimin "zotëri", pa përdorur titullin zyrtar me të cilin i drejtoheshin të gjithë vartësit e tij, domethënë "Fyhreri im". 

Megjithatë, pas disa çastesh heshtje, Hitleri  ra dakort që ai mund të komandonte vetë, duke mos marrë urdhra nga askush dhe duke mos raportuar tek askush.

Por më e rëndësishmja  që shënoi këtë ngjarje ishte fakti se Hitleri iu bind fjalëve të gjeneralit dhe nuk e kundërshtoi vendimin e tij, gjë që ishte jashtëzakonisht  e papritur, për një diktator si Hitleri

Afër fundit të luftës, kur ai ishte në front, u dërgua një avion për ta shpëtuar që ai të mos binte në duart e rusëve, por ai e refuzoi këtë ndihmë dhe qëndroi  me ushtarët e plagosur. 

Më 8 maj 1945, kur mbaroi lufta, ai mori dekoratën përfundimtare ushtarake dhe u bë gjermani i parë i dekoruar që nga Lufta e Dytë Botërore. 

Megjithatë, Gjenerali u kap rob nga Ushtria e Kuqe, pasi Gjermania u mund dhe torturat fizike që duroi gjatë burgimit e detyruan të kalonte pjesën tjetër të jetës në një karrocë me rrota.

 Pas dhjetë vjetësh në robëri ruse, ai u lirua dhe u riatdhesua.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128