Përfundon me sukses misioni “Artemis II”, kapsula Orion ulet në Paqësor pas udhëtimit rreth Hënës

Ka përfunduar me sukses misioni i shumëpritur Artemis II, teksa kapsula hapësinore Orion u ul në Oqeanin Paqësor, pranë brigjeve të Kalifornisë, duke mbyllur kështu udhëtimin historik të astronautëve drejt Hënës dhe rreth saj.

Ekuipazhi i përbërë nga Reid Wiseman, Victor Glover, Christina Koch dhe astronauti kanadez Jeremy Hansen realizoi me sukses një nga hapat më të rëndësishëm drejt rikthimit të njeriut në Hënë, një objektiv që synohet të arrihet rreth vitit 2030.

Momenti më kritik i misionit ishte rikthimi në atmosferën e Tokës, kur kapsula Orion hyri mbi Oqeanin Paqësor, rreth 3.200 kilometra larg brigjeve të SHBA-së. Për rreth gjashtë minuta nuk pati asnjë komunikim me ekuipazhin, për shkak të temperaturave ekstreme që kalonin, 2.000 gradë Celsius gjatë hyrjes në atmosferë.

Megjithatë, gjithçka shkoi sipas planit. Parashutat u hapën në kohën e duhur, duke mundësuar një ulje të butë në det në orën 02:07 të mëngjesit, pa asnjë problem.

Sipas NASA-s, astronautët nuk kanë qenë në asnjë moment në rrezik, falë mburojës termike të avancuar të kapsulës. Në zonën e uljes ishin dislokuar dhjetëra mjete detare dhe ajrore të forcave të armatosura dhe Rojeve Bregdetare të SHBA-së, për të garantuar sigurinë e operacionit.

Pas uljes, u raportuan disa probleme të vogla në komunikimin mes kapsulës dhe qendrës së kontrollit, por ato nuk u konsideruan shqetësuese.

Misioni Artemis II konsiderohet një hap kyç për programin hapësinor amerikan, duke hapur rrugën për kthimin e njeriut në Hënë pas më shumë se pesë dekadash.

Welcome home Reid, Victor, Christina, and Jeremy! ????

The Artemis II astronauts have splashed down at 8:07pm ET (0007 UTC April 11), bringing their historic 10-day mission around the Moon to an end. pic.twitter.com/1yjAgHEOYl

— NASA (@NASA) April 11, 2026

Po ndodh...

08:00 JETË

Horoskopi Ditor E Shtunë 11 Prill 2026

00:02 Fjalëkryq

Skemë e lirë 11 prill

00:01 SPORT

Trajneri i ardhshëm i Realit?! Deschamps - kandidati surprizë për stolin ‘los blancos’...

23:36 SPORT

Neymar lë Brazilin për të shkuar në Botëror, synon kalimin në MLS

23:14 AKTUALITET

Miku i shqiptarëve - Ndarja nga jeta e Eliot Engel, mbështetësi i madh i Kosovës në Kongresin amerikan! Reagime në Kosovë

23:12 BOTA

Trump kërcënon Iranin: Nëse bisedimet në Pakistan dështojnë, do të përdorim armë edhe më të fuqishme, jemi gati...

23:00 BOTA

Sulm me molotov në banesën e CEO-s së OpenAI

22:46 AKTUALITET

Nën udhëheqjen e Kryepeshkopit Joan, besimtarët ortodoksë kremtojnë të Premten e Zezë në kryeqytet

22:40 AKTUALITET

Zjarr në malin e Koshnicës, ndërhyrja e zjarrfikësve e pamundur për shkak të terrenit të vështirë

22:25 POLITIKË

Vdekja e ish-Kongresmenit Eliot Engel, reagon Basha: Kam pasur rastin të bashkëpunoj, një mik i madh i kombit shqiptar

22:13 POLITIKË

Ndahet nga jeta kongresmeni amerikan Eliot Engel, zë i fuqishëm për çështjen shqiptare

Nga Rebecca Solnit 22:11 IDE

Nuk kemi nevojë për liderë, as për heronj

Nga Rebecca Solnit

22:10 BOTA

Pesë pikat që rrezikojnë bisedimet SHBA-Iran, nga Libani te çështja bërthamore

21:58 POLITIKË

PS vë në pikëpyetje kandidaturën e Manastirliut? Blendi Klosi flet për garën e Tiranës

Dua të lexoj më shumë lajme