Sa bëjnë 550 ÷ 2? Ushtrimi në dukje i thjeshtë po ‘çmend’ rrjetin

5 Janar 2023, 19:38 / MISTERE&KURIOZITETE ALFA PRESS

Sa bëjnë 550 ÷ 2? Ushtrimi në dukje i thjeshtë po

Ky ushtrim kaq i thjesht matematikor është bërë viral duke lënë qindra mijëra përdorues në rrjete sociale tërësisht të hutuar.

Nëse edhe ju si ata mendoni se përgjigja e saktë është 225 – jeni gabim!

Po, po. Përdoruesit e rrjeteve sociale kanë mbetur të shtangur pasi zbuluan se 550 pjesëtim për 2 bëjnë 275, jo 225.
Nëse shumëzoni 225 me dy, është e barabartë me 450, por për disa arsye, njerëzit duket se e kanë të ngulur në mendjet e tyre se rezultati 225 x 2 është 550.

Tweet-et, memet dhe temat e Reddit në mbarë botën po ndajnë ‘lajmin e keq’.

Një llogari në Twitter @HappenedtoHim postoi një foto meme që tregon dy figura duke marrë një të tretë me barelë, teksa njëra pyet: ‘Çfarë i ndodhi atij?’

Dhe tjetri përgjigjet: ‘Ai zbuloi se 550/2 nuk bëjnë 225’.

Imazhi u bë shpejt viral, me 105,000 njerëz që e pëlqyen postimin në Twitter brenda pak orësh dhe shumë prej tyre kanë nisur të ndajnë konfuzionin e përbashkët në komente.

Një person tjetër në rrjet pyeti: ‘Sa vjeç ishit kur zbuluat për herë të parë se 550 pjesëtuar me 2 nuk është 225?’

Një adhurues tjetër i matematikës nga Pakistani gjithashtu ndau zbulimin, duke e quajtur atë një “kthim me këmbë në tokë për njerëzimin”.

Ky “kaos numerik” po bëhet viral në një moment mjaft ironik pasi ai vjen pikërisht pas lajmit se kryeministri britanik Rishi Sunak do të bëjë matematikën të detyrueshme për britanikët e rinj deri në moshën 18-vjeçare.

Po ndodh...