Arrestohet një Sekretare e Përgjithshme, lajmin e jep Rama

2 Qershor 2023, 18:53 / POLITIKË ALFA PRESS

Arrestohet një Sekretare e Përgjithshme, lajmin e jep Rama

Kryeministri Edi Rama gjatë takimit falenderues në Tiranë për zgjedhjet e 14 majit, e ka nisur fjalën e tij me një lajm të bujshëm.

Sipas Ramës një Sekretare e Përgjithshme në një ministri, sapo është arrestuar në flagrancë duke marrë lekë korrupsioni.

Rama nuk ka thënë emrin dhe ministrinë ku mbante postin e lartë e arrestuara.

“Një sekretare e përgjithshme kapet në flagrancë duke marrë lekë.

Si mund të ndodhë kjo? Ana e pëlqyeshme e kësaj medalje është që kapet një person që është i padenjë për të qëndruar në një zyrë shteti. Uroj të ketë sa më shumë të tilla, por s’mund të uroj që sa më shumë të tillë njerëz të bëjnë gjëra të tilla.

Është realisht diçka e rëndë. Mungesa e sensit të patriotizmit, sensit të detyrës, mungesa e sensit të etikës, në pikën që në një detyrë të rëndësishme të biesh në këtë lloj niveli është realisht e tmerrshme. Këtu e kemi hapur vetë këtë kuti të pandorës, megjithëse se s’kemi pranuar duke mbajtur qeverisjen e këtij vendi për të vazhduar avazin e disa shekujve ku të pushtetshmit, kurrë asnjëherë nuk janë thirrur asnjëherë nga drejtësia. Këtë e kemi bërë ne. Ne e kemi zgjedh këtë rrugë, s’ka kthim mbrapa dhe kompromis me askënd.

E kam ditur që kjo nuk është rrugë që do mbarojë shpejt, por rruga e një gjenerate për të arritur që ky vend të ketë drejtësi të barabartë për të gjithë. Kjo është një rrugë me shumë vështirësi, situata të shëmtuara, të hidhura, njerëz që kanë marrë gjithçka”, tha Rama.

 

Po ndodh...