Berisha akuza të forta: Janë zbardhur telefonatat, anëtar i bandës së Elbasanit bleu vota për PS

23 Qershor 2022, 11:34 / POLITIKË ALFA PRESS

Berisha akuza të forta: Janë zbardhur telefonatat, anëtar i

Ish-kryeministri Sali Berisha ka dalë jashtë sallës së Kuvendit ku po zhvillohet seanca e ditës së sotme për të bërë një denoncim publik ndaj atyre që iu referohet si bandat e Elbasanit. Ai u shpreh se Gentian Sharra ka blerë vota në favor të Partisë Socialiste, ndërsa theksoi se ky person ka dhjetra telefonata tanimë të zbardhura me Taulant Begon.

“Dola këtu për të denoncuar publikisht lidhjet e mëdha dhe të tmerrshme të Taulant Begos me Gentian Sharrën, njërin prej anëtarëve më të rrezikshëm të Bandës së Elbasanit.

Mes Taulant Begos dhe Sharrës ekzistojnë të paktën 50 telefonata dhe qindra kilometra zbardhje të gjata të këtyre bisedave.

Biseda që e faktojnë Taulant Begon anëtar të inkriminuar të bandës së famshme të Elbasanit.

Taulant Bego ka marrë përsipër, ka dhënë porosi nga më të paligjshmet dhe ka kryer detyra nga më të paligjshmet në interes të Gentian Sharrës.

Pra, Gentian Sharra është njeriu që ka blerë vota për anëtarin kriminel të Bandës së Elbasanit, që quhet Taulant Bego. Për PS-në dhe atë.

Ju bëj thirrje që të publikoni çdo regjistrim, çdo dokument, i cili implikon apo njëson Edi Ramën, bashkëpunëtorët e tij me Bandën e Elbasanit.

...Bëhet fjalë për biseda për ngjarje të shumta. Po fole me bandat, flet vetëm për krimet, nuk flet për dashuri. Ta keni të qartë këtë,” tha Berisha.

Po ndodh...