English
Luaj me Fjalëkryq
Lajme flash

Berisha shpërthen sërish ndaj Dumanit: O llum, o horr, faqezi, je i Xhorxh Sorosit

10 Nëntor 2024, 22:28 / POLITIKË ALFA PRESS

Berisha shpërthen sërish ndaj Dumanit: O llum, o horr, faqezi, je i

Nga dritarja e shtëpisë ku vijon të jetë i ngujuar me masën e 'arrestit shtëpiak' kryetari i PD-së  Sali Berisha ashpërsoi sulmin ndaj kreut të SPAK, Altin Dumani mbrëmjen e sotme.

Ndërsa fliste para mbështetësve të tij që mblidhen çdo natë poshtë banesës së tij, Berisha përdori fjalor ofendues dhe intimidues duke e akuzuar se bashkëpunon me Edi Ramën për të luftuar opozitën"

"Çdo ditë që kalon është frymëmarrje e pamerituar për regjimin e krimit, drogës, regjimin e hajnave, trafikantëve, kriminelëve dhe vrasësve. Çdo ditë që kalon, Edi Rama me tentakulat e tij, me organizatën e tij kriminale –qeveri, me krerët kriminalë të bashkive vjedhin, vjedhin dhe vetëm vjedhin qytetarët shqiptarët.  Çdo ditë që kalon, organizata kriminale e Skapit të partisë mbyll dosjet e tyre dhe vazhdon gjahun politik ndaj opozitës.  Çdo orë që kalon është orë e diktaturës, orë e sundimit të krimit, hajdutëve dhe kriminelëve.

Është orë e dhunës, terrorit ndaj opozitës. Nga këta mjeranë si Altin Dumani, mercenarë që mburren korridoreve se janë prokurori amerikane. Amerikan, por je i Xhorxh Sorosit o horr, o llum! Dhe fatmirësisht, mos mendo se do të ketë forcë në botë të të mbrojë ty, as Edi Ramën. Jo, jo, sepse keni kryer krime të shëmtuar. Keni përdhosur ligje dhe Kushtetutë!

Monstrat e krimit që tregtojnë çdo natë me vrasës, me kriminelë, me banditë. Që iu marrin përqindjen e fitimit të trafiqeve, u marrin përqinden e fitimit të vrasjeve. Këto monstra janë vërsulur kundër opozitës, pluralizmit në Shqipëri.' Edi Rama mbrohet nga mercenar Dumani, nga llum Dumani. Po tani, o llum që ata të cilët mbrojtën Edi Ramën morën damkën e historisë, ku do shkosh ti që mbron hajdutin, kriminelin, banditin që korruptoi vendit mik dhe aleat shefin e kundërzbulimit, vetëm e vetëm për të luftuar opozitën?"
Sulmin ndaj Dumanit e ashpërsoi duke e etiketuar 'llum' dhe përdorur fjalor intimidues.

"Çfarë fytyre ke ti mor? Ke fytyrë ti? S’ke fytyrë! Ti ke fytyrën e zezë të këpucëve të Edi Ramës, asgjë tjetër! Ti faqezi që drejton një organizatë kriminale politike në Skapin e partisë mbyll dosjet e Edi Ramës, ministrave të tij, zyrtarëve të tij, vëllait të tij. I burgos deputetët e opozitës. Zvarrit ish-presidentë para të cilëve jepje duart në Kushtetutë, o i pa be dhe i pamoral. Të gjitha këto i bën se je një hajdut ordiner.

Të gjitha këto i bën se 8 vite më parë, jo tani, je gjetur me 3 apartamente me rrogën tënde. Po cili shqiptar mund të bëjë 3 apartamente? Cili kriminel të dha ty paratë për t’u bërë me 3 apartamente? Apo të mori peng Edi Rama? Të mbron për të bërë pyetjet 1 milionëshe.

Drejtësia vonon, por nuk harron! E vërteta vonon, por fytyra juaj, karakteri juaj do të dalë në dritë. Dhe harroje se ka diplomatë, harroje se ka shtetar, harroje se ka zyrtar në botë se do të mbrojë Edi Ramën dhe ty nga vrulli, nga revolta, nga zemërimi i shqiptarëve”, tha ai.
Sali Berisha dhe Ilir Meta janë të arrestuar për akuzën për korrupsion. Berisha është në arrest shtëpie për akuzën korrupsion pasiv, ndërsa Meta ndodhet në arrest me burg për korrupsion lidhur me lobimin në SHBA dhe dosjen Cez-Dia.

Dosja e SPAK për aferën 'Partizani' me 333 fashikuj, me shifrën rekord prej 160 mijë faqe me të gjitha provat  është dorëzuar në GJKKO dhe në seancën paraprake të 25 nëntorit do të vendoset nëse dosja do të kalojë për gjykim, do të rikthehet në SPAK apo do të pushohet.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128