English
Luaj me Fjalëkryq
Lajme flash

Berisha, thirrje për shkarkimin e VPN për akses në TikTok, Rama: Mos e bëni është e rrezikshme! Jemi në dialog me kompaninë, presim që ata të vijnë këtu dhe…

2 Prill 2025, 17:15 / POLITIKË ALFA PRESS

Berisha, thirrje për shkarkimin e VPN për akses në TikTok, Rama:

Në një kohë që kreu i PD-së Sali Berisha apelon të gjithë të rinjtë që të shkarkojnë VPN me qëllim akses në Tik Tok, kreu i qeverisë i bën thirrje që të mos e bëjnë këtë, pasi është tepër e rrezikshme. Sipas tij hakerat mund të marrin të gjitha të dhënat personale përmes telefonit.

Nga shkolla “Besnik Sykja” në Tiranë, kryeministri tha se përmes AKSH-it dhe ministrisë së Arsimit qeveria ka hyrë në diskutime me kompaninë e tik tok, duke i kërkuar atyre më shumë filtra.

Rama u shpreh se kompania duhet të na garantojë që fëmijët janë të mbrojtur nga pjesët e rrezikshme.

“Më vjen mirë që tik tok është mbyllur dhe nxënësve ju kemi siguruar një mbrojtje nga një influencë shumë negative që i qëndronte mbi kokë 24 në 24. Përsëris për të gjithë dhe mirë është që mësuesit tua thonë prindërve dhe nxënësve që përpjekja për të instaluar tik tok duke përdorur VPN të lira është shumë e rrezikshme sepse ato e bëjnë telefonin plotësisht të grabitshim me të gjitha të dhënat që ka brenda. Kështu që prindërit duhet

Ne kemi hyrë në një dialog me kompaninë përmes AKSH-it dhe ministrisë se Arsimit dhe kemi kërkuar nga kompania që nëse do që të ketë akses në Shqipëri duhet të na paraqesë një propozim të besueshëm dhe bindes për një numër të caktuar filtrash për fëmijët tanë dhe një program specifik për të stimuluar mësimin, mësimin e shkencës, matematikës etj. Ndërkohë që duhet të na garantojë që fëmijët janë të mbrojtur nga pjesët e rrezikshme. Kompania e ka marrë seriozisht dhe në ka premtuar se do ta na i paraqesë këtë propozim. Çfarë kompania do të na ofrojë do të duhet të ndahet me mësuesit dhe prindërit. Shpresoj që në një kohë jo shumë të largët ata do të vijnë dhe ne do rikthehemi tej ju dhe do ti ndajmë këto të dhëna që do marrim nga propozimi i kompanisë”, tha Rama.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128