Erzen Breçani, 'besniku' i Sali Berishës me poste të larta në polici, që shfaqej si analist e ekspert nëpër studio televizive

21 Nëntor 2023, 12:39 / POLITIKË ALFA PRESS

Erzen Breçani, 'besniku' i Sali Berishës me poste të
Erzen Breçani, është arrestuar nga policia, me urdhër të SPAK, pasi akuzohet për pastrim parash dhe për përkrahje të autorit të krimit. Por emri i tij nuk është i panjohur për qytetarët.

Pavarësisht lidhjeve të qarta politike dhe tani dyshohen edhe lidhje me krimin, Breçani është paraqitur shpesh nëpër studio televizive si ekspert dhe opinionist i pavarur!

Erzen Breçani, ish-drejtuesi i Policisë së Tiranës, pas largimit të qeverisë Berisha, 2013, u përqendrua në aktivitetin e tij të një Security privat, ndërsa emri i tij spikati në debatin me ish- ministrin Samir Tahiri teksa kërkohej të largoheshin nga pallati banorët tek rruga "Margarita Tutulani". Në zgjedhjet parlamentare të 2013 ai u shfaq në listën e kandidatëve të PD-së.

Erzen Breçani u shfaq sërish në publik në ngjarjen e Babales, strumbullar i politikës në 2018-2019 dhe një nga dëshmitarët që dekonspiroi skenarin e PD të “Babale”.

Asokohe Shqiptarja.com zbardhi ekskluzivisht përgjimet e bisedës telefonike mes ish-zv.drejtorit të policisë së Tiranës Erzen Breçani dhe kunatit të Babales, Fredi Alizoti, si dhe konfirmimin që i ka bërë kësaj bisede në prokurori, vetë Erzen Breçani.

Ky i fundit ishte telefonuar nga Fredi Alizoti duke i shpjeguar se ai përgjim ka qenë i sajuar dhe fals, por në mënyrë që ai të mos fliste duhet të bëhej pagesa e premtuar sipas tij nga Salianji.

Erzen Breçani njihet si një ndër besnikët e Sali Berishës që e ka shoqëruar në çdo protestë dhe aksion politik në Tiranë./(Shqiptarja.com)