Humbi portofolin në protestë, aleati e Berishës: Ndërpresim marrëdhëniet me PD e Xhibutit!

17 Mars 2023, 19:54 / POLITIKË ALFA PRESS

Humbi portofolin në protestë, aleati e Berishës: Ndërpresim

Kreshnik Osmani, aleat i Sali Berishës është zhgënjyer me këtë të fundit, pasi nuk e ka përfshirë në koalicion lëvizjen e drejtuar nga ai.

Ai ka lëshuar disa deklarata plot akuza.

Deklarata

Thirrje popullit shqiptar opozitar. Thirrje vëllezërve dhe motrave tona anetare te Partise Demokratike te Xhibutit me të cilët kemi vite që jemi bashkë në kauza e protesta!

Ndërprerja e marrëdhënieve tona me Partinë Demokratike të Xhibutit, ku ju bëni pjesë, nuk d.m.th që ne do të bëhemi pengesë që ju të kapni ndonjë mandat këshilli bashkiak apo ndonjë punë bashkie sipas marrëveshjes së Partisë Demokratike të Xhibutit me Sektin e Orgjive McGonigal. Ne nuk do të bëhemi pengesë që ju të kapni ndonjë lek dhe t’ua coni kalamajve në shtëpi sic cojnë edhe anëtarët e sektit Lejla.

Ne kemi një funksion që ju duhet ta kuptoni mirë dhe të mos e keqkuptoni. Lëvizja Shqiptare “Atdheu” dhe Kreshniku kemi një rol shumë të rëndësishëm për të luajtur dhe ai rol është: nëpërmjet vetshkatërrimit tonë, nëpërmjet vetëdjegies tonë, ne u tregojmë pjesës së pastër të mbetur të Shqiptarëve, fëlliqësinë e klasës politike 30 vjecare bashkë me fëlliqësinë e llumit që i përkrah. Jemi bashkë në të njejtin rrugëtim dhe në të njejtën korsi dhe në të njejtën betejë.

Vetëm mos harroni kur të ushqeni fëmijët tuaj kujtohuni që fëmijët tanë janë duke parë fëmijët tuaj si hanë. Dhe në qoftë se mendoni se ne do të biem dakord që fëmijët tuaj të hanë haram dhe fëmijët tanë të shohin fëmijët tuaj kur hanë, mendoni gabim. Ju kërkojmë ndjesë që ne nuk e ndaluam dot Partinë Dmokratike të Xhibutit t’ia falë zgjedhjet Edi Ramës në Tavolinë!

Me respekt dhe konsiderata!

***

Argumenti më i madh që Partia Demokratike e Xhibutit dhe Edi Rama janë bashkë, dhe i kane ndare zgjedhjet ne tavoline, qëndron në faktin se largimi ynë nga Partia Demokratike e Xhibutit, nuk përbën lajm për mediat e Edi Ramës dhe te Endri Fuges, por as për Syri Pikë Veliaj. Sekti i Orgjive McGonigal minimalisht do ta përdorte skandalin dhe ndarjen e Lëvizjes Shqiptare “Atdheu” për të sulmuar Partinë Demokratike të Xhibutit.

Por jo. Ata janë bashkë dhe janë dakordësuar që të na zhdukin ne. Ne jemi fara që nuk zhdukemi. Ata do të zhduken dhe ne do të mbijmë. Sepse historia ka treguar historikisht se ajo ose e sjell te verteten, ose i shfarros nga faqja e dheut popujt zullumqare!

I kam falur te gjitha ata qe me peshtyne dhe me thane u shite tek Saliu.

I kerkoj falje te gjithe opozitareve qe ne nuk e ndaluam dot varrosjen e PD.

" Partia Demokratike e Xhibutit eshte ajo qe drejtohet nga Sali Berisha"

***

Një populli të degjeneruar, kurrë nuk ia bën Zoti kismet që të kenë prijës të ndershëm, kurrë. Ndersa të ndershmit e popullit që heshtin kur shohin llumin meritojnë të shuhen bashkë me fundërrinat. Ky është ligj Universi që nuk ka fuqi në Planet ta thyejë!

Shyqyr qe ka Zot!