Humbja në Kukës, Gjekmarkaj u kërkon demokratëve ndjesë: Vetëviktimizimi, sëmundje mendore!

25 Shtator 2023, 11:03 / POLITIKË ALFA PRESS

Humbja në Kukës, Gjekmarkaj u kërkon demokratëve
Deputeti i Partisë Demokratike, Agron Gjekmarkaj është i pari demokrat që ka reaguar për rezultatin në Kukës, ku kandidati i koalicionit “Bashkë Fitojmë” është mundur përballë atij socialist.

Gjekmarkaj thekson se të gjithë faktorët opozitarë duhet të mendojnë për përgjegjësitë seriozisht dhe alternativat për të dalë nga kjo situatë.

‘Të gjithë jemi fajtor- shprehet deputeti i PD- por fajtori  më i madh është ai ose ata që nuk e pranojnë fajësinë’.

“Keqardhje për humbjen e thellë të demokrateve në Kukës të cilët kurrsesi nuk e meritonin. Kjo është humbja e fundit në një seri që s’ka të ndalur. Të gjithë faktorët opozitarë duhet  të mendojnë për përgjegjësitë seriozisht dhe alternativat për të dalë nga kjo situatë. Prej kohesh kam insistuar në faktin që shoqëria nuk vjen tek ne me këtë lloj opozitarizmi që bëjmë sot dhe alternative pushteti që shfaqim para tyre për nesër. Kush i shmanget këtij realiteti dëshiron që ky realitet të përjetësohet. Nuk e zgjidh problemin kërkimi i fajit tek tjetri  duke përjashtuar veten. Vetëviktimizimi i perhershem tek e fundit është sëmundje mendore ose hipokrizi. Të gjithë jemi fajtor por fajtori  më i madh është ai ose ata që nuk e pranojnë fajësinë. Persa me përket mua ndjesë demokrateve duke ju garantuar që nuk do resht së thëni të vërteten edhe kur ajo djeg”, thuhet ne reagimin e Agron Gjekmarkajt.

 

 

ide