“Hungaria është një provë për të gjithë ne”/ Spiropali: Europa nuk matet nga sa larg shkon pushteti, por si funksionojnë kufijtë e tij

Ish-ministrja e Jashtme Elisa Spirolali, ka reaguar mbrëmjen e sotme për zgjedhjet në Hungari dhe rezultatin e tyre, duke përshëndetur fitoren e opozitës.

Ajo e cilësoi si një sinjal të thellë për vetë Evropën dhe jo vetëm ndryshim për Hungarinë.

Deputetja nënvizoi se modeli i Orban për shumë vite sfidoi Bashkimin Evropian.

“Nëse Hungaria hyn në një fazë të re politike, ky nuk është thjesht një ndryshim qeverie. Është një sinjal më i thellë për vetë Europën. Për shumë vite me radhë, modeli i Viktor Orban ka sfiduar një nga parimet themelore të Bashkimit Europian; që demokracia nuk është vetëm votë, por edhe standard, jo vetëm shumicë, por edhe kufizim i pushtetit”, shkruan ajo në postimin e saj.

Spiropali përshëndeti fitoren e opozitës dhe liderit të saj Magyar, duke u shprehur se:

“Fakti që një figurë si Peter Magyar, i dalë në skenë vetëm pak vite më parë, arrin të fitojë masivisht dhe të mobilizojë një shoqëri të tërë, tregon se edhe në sisteme të konsoliduara dhe të inventarizuara në pushtet, ekziston hapësira për ndryshim. Dhe se energjia politike nuk është e mbyllur, por pret momentin për t’u shprehur”, vijon ligjvënësja socialiste.

Dhe në fund e quan Hungarinë ehde një provë për Evropën:

“Në këtë kuptim, Hungaria nuk është vetëm Hungari. Është një provë për të gjithë ne. Sepse Europa nuk matet nga sa larg shkon pushteti, por nga sa fort funksionojnë kufijtë e tij”.

Postimi i plotë i Elisa Spiropalit:

“Hungaria dhe prova e Europës

Nëse Hungaria hyn në një fazë të re politike, ky nuk është thjesht një ndryshim qeverie. Është një sinjal më i thellë për vetë Europën.

Për shumë vite me radhë, modeli i Viktor Orban ka sfiduar një nga parimet themelore të Bashkimit Europian; që demokracia nuk është vetëm votë, por edhe standard, jo vetëm shumicë, por edhe kufizim i pushtetit.

Fakti që një figurë si Peter Magyar, i dalë në skenë vetëm pak vite më parë, arrin të fitojë masivisht dhe të mobilizojë një shoqëri të tërë, tregon se edhe në sisteme të konsoliduara dhe të inventarizuara në pushtet, ekziston hapësira për ndryshim. Dhe se energjia politike nuk është e mbyllur, por pret momentin për t’u shprehur.

Ky ndryshim madhor në Hungari do të thotë se edhe në zemër të Europës, shoqëritë kanë ende fuqinë të rikthejnë balancën, të korrigjojnë devijimet dhe të kërkojnë institucione që funksionojnë.

Por mbi të gjitha, do të thotë se Europa, sot, fitoi një betejë më të madhe; besimin në vetvete. Në një kohë kur ndikimet e jashtme, përfshirë influencën ruse, kanë kërkuar të zbehin këtë besim, një kthesë e tillë tregon se vlerat europiane nuk janë thjesht parime në letër, por forca madhore që mund të rikthehen dhe të mbrohen nga vetë shoqëritë.

Kjo është një kujtesë e rëndësishme për të gjithë: Europa nuk është një gjendje e përhershme. Është një proces i vazhdueshëm për të mbajtur, mbrojtur dhe forcuar demokracinë funksionale.

Në këtë kuptim, Hungaria nuk është vetëm Hungari. Është një provë për të gjithë ne.

Sepse Europa nuk matet nga sa larg shkon pushteti, por nga sa fort funksionojnë kufijtë e tij”.

Po ndodh...

00:00 Fjalëkryq

Skemë e lirë 13 prill

22:25 SHOWBIZ

Panik në Coachella, shembet struktura, një grua mbetet e plagosur

22:15 SPORT

Vllaznia cinike, ndaj Teutës mjafton një gol

22:00 BOTA

Hungaria kthehet drejt Evropës, Ursula von der Leyen përshëndet rezultatin e zgjedhjeve

21:42 BOTA

“Rezultati i zgjedhjeve është i qartë dhe i dhimbshëm”/ Orban pranon humbjen dhe i uron fitoren rivalit të tij Peter Magyar

21:34 BOTA

Numërohen 45.7% e kutive të votimit në Hungari, ja si ndahen 199 vendet e Parlamentit

21:29 SPORT

Drita shkëputet në krye, Ballkani ndalet, Drenica fiton në “Zahir Pajaziti”

21:17 BOTA

Lideri i opozitës shpall fitoren e zgjedhjeve: Faleminderit Hungari! Heshtje në kampin e Viktor Orban

21:13 AKTUALITET

Nga Mali i Dajtit në Ande, ‘industria’ e kokainës dhe shqiptarët e Perusë

21:07 POLITIKË

Emri/ Zgjidhet drejtuesi i PD, Dega 11, Laprakë

21:05 JETË

E vogël në dukje, por me pasoja/ Ja çfarë mund t’i ndodhë foshnjës pas shpimit të veshëve...

20:48 SPORT

Conte pas barazimit me Parmën: Nuk duhet të lejonim avantazhin e saj

20:25 AKTUALITET

Vdekja e 2-vjeçarit në Vlorë, policia jep detaje: I mituri ndodhej në banesë me nënën e tij kur ra nga ballkoni

20:06 EKONOMI&SOCIALE

Fundi i kartave të identitetit? Qeveria propozon projektligjin e ri për 'portofolat digjital', për çfarë do investohet në 10 vitet e ardhshme?

Dua të lexoj më shumë lajme