Lajme flash
“Ilir Meta qëndron në burg, kurse e akuzuara Balluku vijon të jap tenderë”, Blushi akuza në Kuvend: I vetmi vend i NATO-s me të burgosur politikë
3 Shkurt 2026, 11:42 / POLITIKË
Deputeti i Partisë së Lirisë, Tedi Blushi, tha gjatë interpelancës që kishte thirrur me ministrin e Drejtësisë, Besfort Lamallari, se duhet të jepte llogari për kushtet çnjerëzore në të cilat mbahet presidenti i partisë, Ilir Meta, të cilit i janë ndaluar takimet dhe komunikimet.
Gjithashtu ai kërkoi shpjegime pse nuk zbatoheshin rekomandimet e lëna nga Avokati i Popullit prej disa javësh. Ai akuzoi kryeministrin Edi Rama dhe vartësit e tij se rrëmbyen të maskuar dhe pa vendim gjykate kreun e partisë më 21 tetor 2024.
Nga foltorja e Parlamentit ai deklaroi se kur Meta u rrëmbye në rrugë me urdhër të Ramës, Ergys Agasit dhe zbatim nga Ilir Proda dhe ish-ministri Ervin Hoxha, ende nuk kishte vendim gjykate, i cili doli vetëm dy orë më pas.
Blushi tha se Shqipëria ëhstë i vetmi vend i NATO-s me të burgosur politikë. Sipas tij, në vendin tonë ka paradokse, ku burgjet amnistohen për mbipopullimin dhe qytetarët burgosen për parking dysh.
Ku meta rrëmbehet dhe izolohet pa prova, kurse e akuzuara nga SPAK, Belinda Balluku, vijon të japë tenderë me një mal akuzash në shpinë.
“Zoti ministër i drejtësisë! Ju kam thirrur për të dhënë llogari për një krim shtetëror dhe me qëllim të qartë politik, të degradimit sistematik të sistemit penitenciar të kthyer në një makineri çnjerëzore dhune, frike dhe terrori kriminal.
Viktimat nuk janë të burgosurit dhe të paraburgosurit e trajtuar në kushte kafshërore dhe çnjerëzore, por edhe gardianët që i keni shndërruar në skllevër të administratës kriminale, që ju i keni inkurajuar.,
E rrezikshme në një shtet që funksionon si bandë, narkopolicët që rrëmbejnë minorenë dhe e fusin në burg, shpërblehen me 300 euro, kurse gardianët nuk marrin asnjë shpërblim, nuk paguhen për orët jashtë orarit dhe nuk i jepen detyrimet.
Ky është një regjim që përndjek të ndershmit dhe shpërblen dhunuesit. Ju keni shkelur me vetëdije parimet kryesore, tre shtyllat kryesore, mes tyre të drejtat e njeriut. Ky debat është akt mbrojtës për të drejtat dhe liritë themelore të njeriut.
Kjo është hipokrizi., Në një anë shpallni amnistinë për të ulur mbipopullimin në burgje, në anën tjetër miratoni burgun për parkingjet dyshe ndaj qytetarëve të ndershëm.
Të paktën 251 anëtarë të bandave më të rrezikshme enden të lirë rrugëve, më i fundit një killer i rrezikshëm që u arratis nga spitali i Durrësit, që ju ia krijuat mundësitë, duke qenë as me pranga dhe as i ruajtur mirë.
Jemi i vetmi vend anëtar i NATO-s me të burgosur politikë.
Nuk e fshihni dot, as me propagandë, sepse e pa e gjithë bota se çfarë ndodhi më 21 tetor 2024, me qëllim që të vidheshin zgjedhjet e 11 majit dhe terrorizuar anëtarët e Partisë së Lirisë, ish-presidenti i Republikës, në mbrojtje nga Garda, ish-kryetari i Kuvendit dhe ish-kryeministri Ilir Meta u rrëmbye në mes të ditës nga banda e maskuar e policëve, u mor me forcë u fut në furgon pa asnjë vendim gjykate.
Edhe ndërkombëtarët e nënvizuan këtë shkelje, ku rrëmbimi ndodhi në mesditë dhe vendimi i gjykatës doli dy orë më pas. Pra fiks dy orë i rrëmbyer dhe i marrë peng bashkë me shoferin e tij në atë periudhë, për të cilin nuk kishte asnjë urdhër ndalimi. Akt kriminal, banditesk, i kryer nga çeta e Ergys Agasit, me ndikim direkt nga çiraku i tij, kreu i Policisë, Ilir Proda dhe me ndihmën e ministrit tuaj që tani po largohet nga salla, Ervin Hoxhën, të cilin e shpërblyet si më të votuarin në zgjedhjet e 11 majit.
Ju e dini mirë se kush e urdhëroi dhe organizoi atë akt kriminal dhe rrëmbim, pra nga njeriu i afërt i Ramës, Ergys Agasi.
Ndaj duhet që sot të jepni llogari për këtë krim me urdhër direkt të kreut të bandës qeveritare.
Prej ditësh Avokati i Popullit ju ka dhënë në tavolinë rekomandime për të zbatuar, në lidhje me akin e rrëmbimit të zotit Ilir Meta, që e rrëmbyer në mënyrë mafioze, e vijoni ta mbani në izolim pa asnjë provë e fakt, me zero pasuri të paluajtshme. Meta qëndron i izoluar, kurse hajdutët tuaj janë të lirë e vijojnë të vjedhin. Belinda Balluku vijon të japë tendera edhe pse ka mbi shpinë një mal me akuza, sigurisht me urdhër të Ramës.
Avokati i Popullit arriti në përfundimin se ndaj zotit Meta nuk janë shkelur vetëm të drejtat themelore, por edhe ato politike e drejta e fjalës, takimeve dhe komunikimit me mediat, deputetëve, eurodeputetëve, si rast unikal në Evropë e Botë. Përjashto ato që ndodhin në burgjet e Kim Jong Un.
U bë kufizimi i takimeve, vetëm në 4 në muaj, kur ligji thotë ndryshe, përbën shkelje të rëndë sipas konventave ndërkombëtare. Po kështu rasti i deputetëve, më i fundit i deputetit Klevis Balliu, kur është e siguruar me ligj, u ndalua me urdhër të drejtorit patronazhist të burgut te “Jordan Misja”.
Ilir Meta u rrëmbye me urdhër të Edi Ramës, i lejohet vetëm një herë në ditë e drejta e ajrimit, sigurisht me urdhër të Ramës. Edhe në burgjet e Putinit lejohen intervistat e të burgosurve politikë me mediat, kurse këtu jo, pse? Ndaj kërkoj dhënien e llogarisë nga ministri i drejtësisë se përse nuk zbatohen rekomandimet e Avokatit të Popullit”.
Po ndodh...
Për palo-reformat, pushteti dhe opozita
Nga Artan Fuga
Çfarë ndodh nëse PD ngujohet në shesh?
Nga Ylli Manjani
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128