Majko shpreh rezerva për raportin e Dumanit: Ka mangësi, nuk raportohet mbi performancën e anëtarëve të BKH-së

26 Maj 2023, 12:41 / POLITIKË ALFA PRESS

Majko shpreh rezerva për raportin e Dumanit: Ka mangësi, nuk

Për deputetin socialist Pandeli Majko raporti i SPAK paraqet disa mangësi. Ai renditi disa fakte që tregojnë për një dështim në plotësimin e rekomandiemeve.

“Në raport nuk është plotësuar gjendja e plotësimit të detyrimeve ndërkombëtare, nëse ka të tilla, nëse nuk ka të bëhet e qartë se nuk ka. Raportim mbi rekomandimet e progres raportit të Bashkimit Evropian për institucionit tuaj, sa janë rekomandimet dhe sa janë plotësuar.

Nuk është raportuar për miratimin e një sistemi të qartë tregues për vlerësimin individual për prokurorët.

Rekomandohet miratimi i sistemit të vlerësimit, i rregullores së BKH-së, apo edhe vlerësimi i anëtarëve të BKH. Për ne është shumë e rëndësishme kjo. Nuk raportohet mbi performancën e anëtarëve të Byrosë Kombëtare të Hetimit.

Nuk është ende funksional sistemi i organizimit të brendshëm. Nuk është plotësuar struktura e Prokurorisë së Posaçme. Këto janë shqetësimet e Kuvendit”, tha Majko.