Mbërrijnë 750 votat e para nga diaspora, ODIHR: Partitë janë nën vëzhgim. Celibashi: Hetime për ata që fotografojnë votën

Mbërritja e votave të para të emigrantëve kanë ngjallur garën mes partive të mëdha për të deklaruar se kanë marrë mbështetjen e diasporës.

Për kreun e misionit të vëzhguesve të ODIHR-it kjo situatë është e pakuptimtë, ndërsa paralajmëron se janë nën vëzhgim. Deklaratën e bëri në Parkun Olimpik aty ku zarfet janë ndarë sipas qarqeve.

Po aty paralajmërim dha dhe Ilirian Celibashi, duke kërkuar hetim për filmimin dhe fotografimin e votës, duke iu referuar këtu një rasti nga Gjermania. Procesi për vëzhguesit po ecën mirë edhe pse e quan dinamik.

Celibashi sqaroi për mediet edhe procedurat e administrimit të zarfeve me votën e diasporës.

“Ne grisim zarfin e DHL-së, poshtë zarfit të DHL-së nxjerrim zarfin B i cili përmban zarfin A dhe brenda zarfit A gjendet fleta e votimit. Të gjitha zarfet B ndahen sipas qarqeve dhe depozitohen në kutitë përkatëse të votimit të qarqeve përkatës. Në datën 11 maj, pasi të përfundojë procesi i votimit dhe të fillojë procesi i numërimit do të nxjerrim zarfat B nga kutia. Pas zarfit B do të nxjerrim zarfat A. Zarfat A, të gjithë do të grumbullohen në një kuti tjetër të veçantë me qëllim që mos të identifikohet se kujt i përket zarfi A dhe pastaj do të fillojë procesi i numërimit”, sqaroi Celibashi.

Duke ilustruar me qarkun e Tiranës, Celibashi tha se “në momentin që do të fillojë procesi i numërimit për qarkun e Tiranës për votat brenda vendit do të fillojë edhe procesi i numërimit dhe vlerësimit të të votave të votuesve nga jashtë që janë të regjistruar në qarkun e Tiranës”.

I pyetur mbi elementët e sigurisë, Celibashi sqaroi se kutitë do të qëndrojnë në këtë ambient, që është i mbikëqyrur me kamera 24/7.

“Madje në gjashtë kanale transmetohen pamjet në Youtube, janë kanale të KQZ-së, gjë që do të thotë se edhe vetë votuesit që kanë interesa për kuriozitet mund ta vëzhgojnë dhe mund ta ndjekin procesin çfarë ndodh në këtë ambient. Por nga ana tjetër, partitë politike, vëzhgues të ndryshëm, kanë mundësi që të jenë prezent 24/7 në këtë ambient për të parë se si administrohen këto kuti. Forcat e Policisë janë patjetër, por janë edhe përfaqësues të partive politike në mënyrë permanente, nëse dëshirojnë të jenë”, shtoi ai.

Celibashi sqaroi se çdo zarf që do të ketë orën e hyrjes pas datës 11 maj ora 19:00 nuk t’i nënshtrohet procesit të numërimit dhe vlerësimit.

Duke folur mbi procesin e shpërndarjes së fletëve të votimit, Celibashi theksoi se kanë ngelur pa filluar qarku i Shkodrës dhe qarku i Vlorës. “Gjithë qarqet e tjera janë në proces përpunimi të dokumentacionit dhe dërgimit përmes DHL-së në shtetet përkatëse. Deri para dy orësh janë rreth 80 mijë persona që kanë marrë zarfin”, tha ai.

I pyetur mbi shqetësimet e opozitës për operatorin postar që shpërndan zarfet, Celibashi theksoi se “zarfat shpërndahen të gjithë nga DHL dhe marrëdhënia kontraktuale e KQZ-së është me DHL-në”.

“Por natyrshëm ka shtete apo rajone të caktuara të shteteve të ndryshëm ku DHL nuk e ka vetë shërbimin dhe ka operatorë të tjerë. Në dijeninë tonë nuk ka asnjë operator global që të ketë shtrirje në çdo qytet dhe fshat të globit. Kjo është në përputhje me parashikimet kontraktuale dhe nuk besoj se ka shqetësim, nëse nuk konsiderohet shqetësim fakti se këto zarfe janë dorëzuar në votuesve të caktuar nga një nënkontraktor i DHL-së. Edhe për shtete si Irani apo Rusia, meqenëse për shkak të politikave të sanksioneve që ka vendosur BE, DHL nuk operon në këto dy shtete, sipas asaj që kompania na ka bërë me dije normalisht do të kontraktoj një kompani lokale për ta kryer këtë shërbim”, sqaroi Celibashi.

Deri të premten në mesditë në Shqipëri janë kthyer të plotësuar rreth 750 zarfe që do të qëndrojnë të pahapura deri në mbrëmjen e 11 majit. Numërimi i tyre do të nisë paralelisht më qarqet përkatëse.

Po ndodh...

13:04 MISTERE&KURIOZITETE

Bujqësia vertikale dhe inteligjenca artificiale/ Eksperimenti kinez po ndryshon të ardhmen e ushqimit

12:53 BOTA

Përshkallëzim i konfliktit Tajlandë–Kamboxhia/ Shpallet shtetrrethim dhe viktimat e para civile

12:37 BOTA

Më i madhi i të gjitha kohërave në WWE, John Cena tërhiqet me lot në sy dhe me 17 tituj kampion të Botës

12:26 POLITIKË

“BKH shkoi në kryeministri për të konfiskuar dokumentet e krimit”- Berisha: Rama kërkoi çarmatosjen e tyre, ka menduar se mund ta arrestonin

12:13 AKTUALITET

EMRAT/ Aksident në aksin rrugor Berat-Lushnje, makina përfundon në kanal pasi iu bllokua timoni

11:56 AKTUALITET

Emrat/ E dhunuan dhe i morën lekët e xhiros pronarit të një biznesi në Tiranë, arrestohen autorët

11:38 POLITIKË

Noka sulmon sërish Salianjin: E nisi me bujë si shpëtimtar i PD-së dhe e katandisi te kërkesa për një karrige

11:35 AKTUALITET

Aksi rrugor Kakavijë–Janinë bllokohet sërish për disa orë, fermerët në Greqi nuk heqin dorë nga protesta

11:20 BOTA

VIDEO/ Të shtëna me armë në Sydney, dy persona hapin zjarr në një festë hebraike në plazh, të paktën 10 viktima

11:05 POLITIKË

Salianji u "plas bombën" Nokës dhe Berishës: Me kërcënimet e Suel Çelës, mblodhët firmat për "Kuvendin e Stadiumit" 4 vite më parë

10:52 AKTUALITET

EMRAT/ Aktivitet të paligjshëm në përpunimin e mbetjeve në Elbasan, 9 prej të arrestiarve janë të huaj

10:35 KOSOVA

Zgjedhjet e parakohshme në Kosovë, sot fillon dërgimi i fletëvotimeve për votimin me postë

10:23 AKTUALITET

Megaoperacion në Elbasan! 19 të arrestuar dhe disa të shpallur në kërkim! Procedohen 2 subjekte juridike për aktivitet të jashtëligjshëm

10:11 POLITIKË

“Kam dëgjuar shumë çudira”, Rama: Agjentë të BKH-së kanë ardhur në Kryeministri me "patllake", ja çfarë kërkonin!

Dua të lexoj më shumë lajme