Lajme flash
Molotovët drejt gazetarëve/ AGSH dënon aktin: Drejtuesit të mbajnë nën kontroll mbështetësit e tyre
29 Maj 2024, 00:00 / POLITIKË
Një incident i rëndë që mund të rrezikonte seriozisht jetën u shënua para godinës së bashkisë së Tiranës paraditen e sotme teksa po mbahej protesta e organizuar nga grupi i Sali Berishës Rithemelimi dhe Partisë së Lirisë.
Një militant i Berishës apo i Metës ka hedhur një bombë Molotov e cila ka përfunduar në afërsi të kordonit të policisë, ku ndodheshin qytetarë, operatorë dhe gazetarë, duke rrezikuar jetën e tyre.
Asociacioni i Gazetarëve të Shqipërisë ka dënuar aktin e rëndë, ndërsa u bën thirrje drejtuesve të mbajnë nën kontroll mbështetësit e tyre.
"Disa punonjës të medias gazetarë dhe operatorë u rrezikuan seriozisht ditën e sotme në Tiranë, teksa po mbulonin një protestë përpara godinës së bashkisë.
Protestuesit hodhën koktejle molotovi të cilat përfunduan aty ku ishin duke punuar punonjësit e medias, të cilët ishin qartazi të identifikuar si të tillë.
AGSH dënon ashpër aktin, dhe ju bën thirrje drejtuesve të protestës që të mbajnë nën kontroll mbështetësit e tyre.
Ne i ftojmë autoritetet që të vënë përpara përgjegjësisë ligjore personat që kanë rrezikuar jetën e punonjësve të medias", shkruhet në reagimin e AGSH.
Po ndodh...
Për paranojën dhe alibinë: "SPAK-u i partisë na e ka fajin"
Nga Namir Lapardhaja
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128