English
Luaj me Fjalëkryq
Lajme flash

“O me qytetarët, o me shokët e Ramës tek 313-ta”, Basha: Më 11 maj zgjedhja është e qartë, lekët për ekonominë dhe familjet shqiptare, apo për të shpëtuar të korruptuarit nga drejtësia

5 Prill 2025, 10:37 / POLITIKË ALFA PRESS

“O me qytetarët, o me shokët e Ramës tek 313-ta”,

Drejtuesi politik i Koalicionit Euroatlantik, Lulzim Basha, shprehet se qytetarët më 11 maj ose janë me fëmijët dhe prindërit e tyre, ose janë me Edi Ramën, sepse të dyja bashkë nuk shkojnë.

Gjatë prezantimit të kandidatëve për deputetë, Diana Toma, Shemsi Prençi, Eduard Kelmendi, Marçel Hila dhe Irsida Shehi para strukturave të degëve 7 dhe 10 në Tiranë, Basha tha se e vërteta është që lekët ose do shkojnë për ekonominë, taksat dhe investime, ose do shkojnë tek shokët e Ramës.

Sipas tij, kjo është e vërtetët aq sa dhe fakti që Trekëndëshi i Bermudës janë bashkë, pavarësisht lojës që bëjnë me njeri-tjetrin, sepse i bashkon frika nga drejtësia. Basha tha se kjo është dhe arsyeja pse i përvishen SPAK-ut me radhë, sepse ua ka çuar shokët tek 7x7 = 313 dhe ua ka veshur me këmishën vija vija.

Ai më tej thotë se trekëndëshi koncepton edhe 11 majin si ditën e ndërtimin të 11-eve personale për të mbrojtur veten e tyre, bashkëpunëtorët e tyre, aferat e tyre korruptive nga drejtësia.

Pjesë nga fjala e Bashës:

O je me fëmijët e tu, o je me Edi Ramën. O je me prindërit e tu, o je me Edi Ramën. Të dyja bashkë nuk rrinë. O lekët për ekonominë shqiptare me ulje taksash, me investime që ndihmojnë ekonominë, hapin vende pune, që përthithin investime të huaja dhe rigjenerojnë investimet e brendshme sipas prioriteve etë zhvillimit në një vend të bekuar nga Zoti por të mallkuar nga qeverisja. O paratë tek qytetarët, ose paratë tek shokët e Ramës.
Kjo është e vërteta, sikundër e vërteta tjetër është që janë bashkë. Pavarësisht prej lojës që bëjnë me njeri-tjetrin, Edi Rama dhe pjesa tjetër e Trekëndëshit të Bermudës janë bashkë. Çfarë i bashkon? E para dhe kryesorja frika nga drejtësia, frika nga llogaridhënia, frika nga transparenca. Prandaj i përvishen një herë njëri, një herë tjetri SPAK-ut. Sepse nuk heziton në akuza penale, para përgjegjësië dhe prapa hekurave politikanë të fuqishëm që deri dje i hakërreheshin gjyqësorit, medias dhe që shkelnin mbi dinjitetin e qytetarëve, mbi pronat e tyre si të ishin insekt. Sot, janë tek 7x7 – 313 duke veshur gjithësecili prej tyre këmishën e preferuar të shefit të tyre, këmishën vija vija. Sepse sipas hierarkisë që vet Edi Rama ka shpallur, “kush nuk vjedh, fle gjum,. Sa më shumë vjedh aq më shumë rritesh në përgjegjësi”. Kjo ishte Shqipëria derisa SPAK-u filloi të bënte punën e vet. Dhe prandaj janë bërë bashkë, kjo i bashkon.
Në 11 maj, tabiatet e tyre tregojnë se ku e kanë shqetësimin. E mbani mend Edi Ramën se si thoshte do jem në listë të hapur. Pse shkoi e u fut te lista e mbyllur, njësoj si të tjerët në opozitë? Sepse të dy e konceptojnë 11 majin si ditën e ndërtimin të 11-eve personale për të mbrojtur veten e tyre, bashkëpunëtorët e tyre, aferat e tyre korruptive nga drejtësia.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128