English
Luaj me Fjalëkryq
Lajme flash

Vula e PD/ Gjekmarkaj shfrytëzon postin e nënkryetarit të Kuvendit dhe i bën presion Gjykatës së Apelit: Mos guxoni...

27 Mars 2024, 14:52 / POLITIKË ALFA PRESS

Vula e PD/ Gjekmarkaj shfrytëzon postin e nënkryetarit të

Nënkryetari i Rithemelimit Agron Gjekmarkaj duke shfrytëzuar postin e nënkryetarit të Kuvendit, të cilin e ka marrë nga PD, i ka bërë presion Gjykatës së Apelit të Juridiksionit të Përgjthshëm ku i kërkon shqyrtimin me përparsi të çështjes se “Partisë Demokratike të Shqipërisë” por edhe duke e udhëzuar se cilës palë t'ja japë vulën.

Gjekmarkaj shton mes të tjerash se kjo çështje po trajtohet si ‘patate e nxehtë’, ndaj ju bën thirrje gjyqtarëve të çështjes që ta shqyrtojnë sa më shpejtë. Në tekstin e letrës Gjekmarkaj kërkonë paanësi nga gjykata, por nga ana tjetër ju tregon se ku është "shumica" dhe se ata nuk duhet të guxojnë që legjimitetin e PD të mos ja japin Sali Berishës dhe lëvizjes së Rithemelimit. Kujtojmë se po ky Agron Gjekmarkaj, pak kohë më parë kur e quante Rithemelimin dhe Berishën shkatërrues të PD, i bënte thirrje po gjykatës së Apelit për të kundërtën. Pra se ka vetëm një PD me kryetar Lulzim Bashën dhe se Rithemelimi është një lëvizje ilegale.

Letra e plotë

Lënda: Mbi nevojën për trajtimin me përparësi dhe paanësi të cështjes së “Partisë Demokratike të Shqipërisë

Drejtuar: Gjykatës së Apelit të Juridiksionit të Përgjithshëm

Të nderuar gjyqtarë,

Prej shumë kohesh një sagë e pandershme luhet mbi fatin Partisë Demokratike, partisë më të madhe të opozitës, në dyer gjykatash e cila si një “patate e  nxehtë” kalon sa në një nivel në në tjeter gjykimi duke mos e ndarë ligjërisht atë që është e qartë në gjithçka e për gjithkënd. Për një  parti politike në çdo manual gjenden plot përkufizime të cilat konvergojnë në faktin se aty ku është antarësia, trupa politike, deputetet, grupi parlamentar, delagatët që mblidhen në Kuvend Kombetar, Institucionet që ai prodhon  nga Kryetari, Kryesia, Keshilli Kombetar, aty ështësigla që e formojnë  dhe perkufizojnë atë. 

Gjykatat kanë detyren e shënjtë e të veshtirë të japin drejtësi. Me këtë vetëdije PD ka votuar Reformen në Drejtësi dhe ka mbështetur drejtësinë e re. Drejtesia  nuk mundet e nuk duhet të sillet si palë politike. Ajo duhet të jetë e baraslarguar njësoj nga të gjithë. Mënyra se si është trajtuar çështja e ‘vules’ se PD-sëi ka shndërruar në perceptim organet e drejtësisë  për një kohe të gjatë në aleate të pushtetit të Edi Rames.

Opozita në çdo vend demokratik është ana tjetër e sistemit, balancuesja dhe kotrolluesja e tij. Anarkia legale për fatin e Opozitës e kompromenton rënde çdo gjykatës qëështë marrë me këtë çështje duke mos e zgjidhur atë në menyrë të qartë e përfundimtare duke bashkuar aktin juridik me vullnetin e antarësisë. Së fundmi Gjykata e Lartë përcaktoi me kompetencë dhe profesionalizëm sinoret ku Gjykata e Apelit duhet të mbështetet për ta zgjidhur në mënyrë definitive këtë çështje.

Tënderuar gjyqtarë,

Fati i Opozites lidhet drejtperdrejt me fatin e Shqiperisë, me jetën demokratike në vend, me zbatimin e Kushtetutës dhe ligjit, me parimet universale të një demokracie liberale e funksionale. Kjo çeshtje nuk mund të zvarritet dhe nuk mund të manipulohet sepse do të ishte një atentat i mirëfilltë, një puç konstitucional në jetën politike të vendit, një prishje e rregullave demokratike të lojës, ndërhyrje në garën politike në favor të pushtetit, duke denatyruar thelbin e sistemit dhe duke minuar jetën institucionale në vend.

“Paqja kërkon katër kushte themelore: të verteten; drejtësinë; dashurinë; dhe lirinë”, na mesonte Papa i madh polak Gjon Pali. Prandaj dhe Shqiperia pret prej jush! Opozita është ajo që na ka munguar gjatë e pa të cilën ishim një popull i shtypur, një popull pa sistem drejtësie të vërtetë. Sot ju gjyqtarëtë nderuar mund të kontribuoni që demokracia shqiptare të mos merret zvarre, duke u ngritur në lartesinë e misionit fisnikqë kryeni, pa u bërë palë me armiqtë e opozitarizmit.

Duke shpresuar se ju do ti ktheni legalitetin PD dhe Opozitës si nocion juridik, duke njohur atë që populli dhe qytetarët ja kanë dhenë prej kohesh, ju nderoni togen, sensin e drejtesise dhe na motivoni për t'ju mbështetur sa më shumë, pa kompromis, në pavarësinë tuaj.

E verteta për Opozitën është e vërtetë për Shqipërinë dhe shtetin ligjor e demokratik. Ajo nuk mund te merret peng. Asnjeri prej jush nuk mund e duhet të jete kaq guximtar sa ti demtojë intereësat madhore të Shqiperisë, popullit të saj dhe demokracisë, duke zvarritur një cështje që ka interes madhor publik. Nëse nuk respektohet drejtësia shtetet kthehen në banda të medha hajdutesh. Vjedhja e legalitetit të Opozites do të ishte atentati më i madh ndaj demokracisë shqiptare. Një guxim kesodore nuk duhet ta ketë asnjë qytetar i kësaj  Republike që aspiron lirinë, demokracinë, prosperitetin, anetarësimin në BE dhe forcimin e miqesisë me SHBA-atë.

Me respekt,

Agron Gjekmarkaj

Zevendës Kryetar i Kuvendit të Shqiperisë

Vula e PD/ Gjekmarkaj shfrytëzon postin e nënkryetarit të

Vula e PD/ Gjekmarkaj shfrytëzon postin e nënkryetarit të

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128