English
Luaj me Fjalëkryq
Lajme flash

Fokaçe me birrë

25 Shtator 2022, 07:34 / RECETA ALFA ALFA PRESS

Fokaçe me birrë

Koha e përgatitjes: 20 min

Ardhja e brumit:2 orë e 30 minuta

Koha e pjekjes: 20 minuta

Për 4 persona

Përbërësit

Për brumin: 500 gr miell i butë, 300 ml birrë, 1 lugë gjelle vaj ulliri, 15 gr maja, 10 gr kripë.

Për tretësirën: 50 ml ujë, 1 lugë e gjysmë vaj ulliri, 7 gr kripë e trashë.

Përgatitja

1. Hidhni miellin në formën e piramidës në një sipërfaqe gatimi.

2. Hapni një vrimë dhe shtoni ngadalë birrën, vajin e ullirit dhe në fund kripën. Zini brumin duke e punuar derisa të bëhet një masë homogjene.

3. Lëreni brumin të vijë në një ambient me temperaturë 30 gradë C dhe mbulojeni me qese kuzhine. Brumi duhet të pushojë 1 orë dhe të dyfishojë vëllimin e tij.

4. Me ndihmën e një petësi hapeni brumin në një petë me trashësi 1 cm.

5. Shtroni një tavë me letër kuzhine. Vendosni fokaçen në tavë.

6. Përgatisni tretësirën me të cilën do të spërkatni fokaçen. Bashkoni ujin me vajin e ullirit dhe kripën e trashë.

7. Me ndihmën e mollzave krijoni gropa në brumin e fokaçes në mënyrë që tretësira të shpërndahet një trajtësisht.

8. Lëreni të rivijë për 1 orë e 30 minuta të tjera. Më pas piqeni në furrë në 200 gradë C për 20 minuta.

Këshilla e shefit

Ø  Fokaçia është një shoqëruese ideale e djathrave dhe sallameve.

 

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128