Krahë pule të pjekura me fara susami

7 Dhjetor 2023, 07:15 / RECETA ALFA ALFA PRESS

Krahë pule të pjekura me fara susami
Përbërësit

1 kg krahë pule
2 lugë gjelle vaj luledielli
¾ filxhan me sheqer kaf
1/3 filxhan me lëng lime
1 lugë çaji me spec të kuq pluhur
2 lugë gjelle hudhër e grimcuar
2 lugë gjelle vaj susami
2 lugë gjelle gjalpë të ftohtë, pa kripë
1 lugë gjelle me fara susami.

Udhëzimet

Parangrohni furrën në 200 gradë celsius. Merrni një tavë dhe vendosni në të një letër kuzhine.
Lani dhe thani më pas krahët e pulës.

I kaloni në një enë dhe i shtoni sipër vajin, kripën dhe ½ e specit të kuq pluhur. I përzieni mirë.
I fusni në furrë të piqen derisa të bëhen disi krokante për 30-35 minuta. Ndërkohë që ato piqen, ju përgatisni salcën.

Në një tas të vogël përzieni sheqerin kaf, lëngun e limës, specin e kuq pluhur që mbeti dhe hudhrat.
Masën e vendosni në zjarr mesatar dhe e përzieni vazhdimisht për gati 15 minuta.

Në fund e hiqni nga zjarri, i shtoni menjëherë vajin e susamit dhe gjalpin. I përzieni mirë me lugë.

I nxirrni krahët nga furra dhe i vendosni në një tas të madh.
I shtoni sipër salcën që përgatitët dhe farat e susamit. I përzieni mirë.
Shërbejeni menjëherë!

ide

Nga Sidi Hasanaj 20:16 IDE

Pa Drama!

Nga Sidi Hasanaj

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128