English
Luaj me Fjalëkryq
Lajme flash

Pica Margarita

23 Shtator 2022, 07:12 / RECETA ALFA ALFA PRESS
Pica Margarita

Koha e përgatitjes: 30 minuta

Koha e gatimit:20 minuta

Koha e ardhjes së brumit: 1 orë e 30 minuta

Vështirësia: mesatare

 

Për 8 persona

 

Përbërësit për brumin

1 kg miell, 30 gr maja e freskët, 500 ml ujë i vakët, 10 gr sheqer, 10 gr kripë.

 

Për mbushjen

80 ml vaj ulliri, 800 gr djathë Mozzarella, 40 gjethe borziloku, 400 gr domate të freskëta, kripë.

 

Përgatitja

1. Hidhni miellin në formë piramide në një sipërfaqe pune dhe krijoni një vrimë në mes.

2. Tresni majanë dhe sheqerin në pak ujë.

3. Hidhni majanë e ardhur tek vrima dhe filloni të punoni brumin. Shtoni ujin e mbetur pak nga pak. Kripa shtohet e fundit.

4. Brumi punohet derisa të bëhet i butë dhe elastik. Ndajeni në 8 toptha të vegjël, mbulojini dhe lërini të vijnë.

5. Kur topthat të kenë dyfishuar vëllimin, hapini në formë rrethore në një sipërfaqe të pudrosur me miell.

6. Përgatisni salcën e domateve.  Hidhni një garuzhde salcë në çdo picë.

7. Hidhuni sipër djathë Mozzarella të copëtuar dhe spërkatini me vaj ulliri.

8. Shpërndani gjethet e borzilokut nëpër picë ( mbulojini me salcë që të mos digjen).

9. Picat piqen në furrë të parangrohur në 220 gradë.Hiqini nga furra kur cepat të marrin ngjyrë të artë.

Historiku i recetës

Pica Margarita u krijua nga Raffaele Esposito në vitin 1889 për nder të mbretëreshës Margaritë të Savojës, për t’i treguar dashurinë e popullit napolitan kur ajo erdhi në qytetin e tyre dhe u vendos në fron si bashkëshortja e mbretit Umberto I.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128