Qofte orizi me djathë Scamorza

21 Dhjetor 2022, 08:02 / RECETA ALFA ALFA PRESS

Qofte orizi me djathë Scamorza

Koha e përgatitjes: 30 minuta

Koha e gatimit : 20 minuta

Vështirësia e ulët

Për 4 persona

Përbërësit

 250 gr oriz, 100 gr djathë i tymosur Scamorza, 100 gr miell, 200 gr bukë e grirë, 100 gr bajame të grira, 3 vezë, 30 gr gjalpë, 40 gr djathë i grirë Parmigiano Reggiano, 1.5 l lëng mishi, vaj ulliri për skuqje sipas nevojës.

Përgatitja

1. Zieni orizin me lëngun e vluar të mishit dhe kullojeni kur është “al dente”.

2. Shtoni tek orizi 1 vezë, djathin e grirë Parmigiano dhe lëreni të ftohet.

3. Me ndihmën e një lugeje gjelle formoni qoftet e orizit (sa një top pinpongu).

4. Në qendër të çdo qofteje vendosni një copë djathi Scamorza.

5. Përgatitni tre pjata me: miell, vezë të rrahura dhe bukë të grirë të përzier me bajame të grira.

6. Kaloni topthat e orizit fillimisht në miell, më pas tek vezët e rrahura dhe në fund tek pjata me bukë të grirë dhe bajame.

7. Skuqini qoftet e orizit në vaj të bollshëm.

8. Nxirrini nga vaji me ndihmën e një luge me vrima dhe lërini të kullojnë për disa minuta në letër kuzhine.

9. Shërbejini të ngrohta.

ide