Lajme flash
Taratori, pjata që na shoqëror çdo verë
1 Korrik 2022, 08:44 / RECETA ALFA
Kur përmendet “taratori” si pjatë, gjëja që merr më shumë kuriozitet është emri. Dy janë përbërësit e pjatës që shoqëron mbrëmjet e nxehta të verës: kos dhe sallator. Dhe ajo që mund të konsiderohet gjithashtu si kuriozitet është fakti që në kuzhinë taratori si pjatë bën pjesë tek supat e ftohta. Ashtu si shumë pjata të tjera taratori ka variantet e tij në kuzhinën turke, libaneze, hungareze etj, ku elemente të ndryshëm që lidhen me kuzhinën vendase i japin identitetin edhe kësaj pjate. Vetëm se kosi dhe kastraveci nuk mungojnë kurrë. Alfa sjellë sot taratorin tradicional që gatuhet darkavetë nxeht të verës në çdo familje shqiptare.
Tarator
Koha e përgatitjes: 15 minuta
Koha e qëndrimit në frigorifer: të paktën 20 minuta
Vështirësia e ulët
Për 4-5 persona
Përbërësit
1 kg kos (preferohet i bërë vetë në shtëpi), 2 kastraveca mesatar, 1 kokërr hudhër e plotë, 1 tufë kopër, 2-3 lugë gjelle vaj ulliri extra i virgjër, kripë sipas dëshirës.
Përgatitja
1. Prisni kastravecin në kubikë të vegjël. Copëtoni thelpinjtë e hudhrës imët dhe koprën gjithashtu.
2. Hidhni kosin në një tastë thellë porcelani. Shtoni aty kubikët e kastravecit, hudhrat dhe koprën.
3. Shtoni vajin e ullirit (2 lugë) dhe përziejeni mirë sa të përthithet nga kosi.
4. Ndajeni masën në 4-5 tasa dhe spërkatni secilin prej tyre me vajin e ullirit të mbetur.
5. Vendosini për 15 minuta në frigorifer dhe pastaj shërbejini.
Këshilla e shefit
Ø Nëse dëshironi një masë më të lëngshme të taratorit mund të shtoni gjysmë gote ujë te kosi.
Ø Taratori është një pjatë ideale për ta shoqëruar me bukë të thekur dhe produkte skare.
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128