Revista amerikane rendit Shqipërinë mes 10 destinacioneve mesdhetare me plazhet më piktoreske

19 Shtator 2023, 09:58 / SOCIALE ALFA PRESS

Revista amerikane rendit Shqipërinë mes 10 destinacioneve mesdhetare
Jo pak herë Shqipëria është rekomanduar nga mediat ndërkombëtare si një destinacion i mrekullueshëm për të kaluar pushimet dhe për tu vizituar, pa shpenzuar edhe shumë para.

Artikulli në gazetën amerikane “The Travel” e ka renditur Shqipërinë mes 10 destinacioneve fantastike me çmime të përballueshme. Shqipëria ofron pamje magjepsëse me fshatra piktoreske dhe peizazhe surreale.

Riviera Shqiptare shtrihet në një vijë bregdetare të mrekullueshme, e cila ofron diellin, detin dhe relaksin, si dhe një zhytje në historinë dhe kulturën e vendit. Shqipëria është renditur mes 10 destinacioneve më fantastike me plazhe mahintëse dhe jo shumë të mbipopulluara.

Ksamil, Shqipëri

Ksamili, një perlë e plazheve shqiptare, numëron dhjetëra gjire të vegjël që mbështillen rreth peisazhit të dhëmbëzuar. Një ndër spektaklet më të mëdha dhe më interesante që mund të admirohet në botën e detit të Ksamilit janë ujërat shumë të freskëta dhe transparente janë të banuara nga shumë delfinë, që e bëjne pamjen akoma më të bukur dhe atraktive për banorët, por edhe për turistët e shumtë qe e vizitojnë Ksamilin

Atraksionet kryesore këtu janë Ishujt mahnitës të Ksamilit, një koleksion ishujsh të vegjël pranë bregut, Parku Kombëtar i Butrintit, Kalaja e Lëkurësit dhe Syri i Kaltër. Ksamili është i njohur edhe për restorantet e tij, që ofrojnë pjata të shijshme të ushqimeve të detit. Çmimet e hoteleve në Ksamil fillojnë nga 22 euro nata.

 

Po ndodh...