Lajme flash
“Alo, jam Simone Inzagi”, trajneri theu rregullat me telefonatën në pushimin e ndeshjes që “zgjoi” Interin
11 Shkurt 2024, 09:39 / SPORT
“La Gazzetta Dello Sport” ka zbuluar se për të shkundur skuadrën ka menduar vetë trajneri Simone Inzagi. Ky i fundit ishte i pezulluar për sfidën e djeshme dhe nuk mund të shkonte në dhomat e zhveshjeve të ekipit për të folur me lojtarët.
Sipas rregullave, nuk duhet të ketë kontakt mes tij dhe futbollistëve në këtë rast, pasi ekipi duhej drejtuar plotësisht nga ndihmësi i tij, Masimiliano Farris.
Por te zikaltrit nuk kanë menduar shumë për rregullat në një moment vështirësie, ashtu si në fakt ndodh edhe në shumë ekipe të tjera në raste të ngjashme. “Sekretin” e ka zbuluar pas ndeshjes Alesandro Bastoni, duke folur para gazetarëve.
“Kemi folur, na telefonoi trajneri me altoparlant të hapur dhe në tha që duhej të ishim vetvetja, ata që ishim deri pak ditë më parë. Zbritëm në fushën e lojës dhe e treguam”, tha mbrojtësi. Më pas Farris u mundua të rregullonte gjërat duke thënë se stafi ia kishte përçuar mesazhin lojtarëve, por për të gjithë ishte e qartë se ajo telefonatë e Inzagit kishte “zgjuar’ Interin që bëri përmbysjen e çmendur në pjesën e dytë.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128