Lajme flash
Barcelona synon gjigantin gjerman për mbrojtjen, ankandit i bashkohet edhe Liverpool-i
24 Mars 2025, 15:54 / SPORT
Jonathan Tah po bëhet një nga emrat më të kërkuar për merkaton verore. Edhe Barcelona është një nga klubet që po punon për të siguruar shërbimet e tij. Qendërmbrojtësi i Bayer Leverkusen do të jetë i lirë në fund të sezonit, duke e bërë atë një objektiv tërheqës për shumë klube të mëdha europiane.
Barcelona, e drejtuar nga drejtori sportiv Deco, ka ndërmarrë hapa konkretë për ta siguruar sa më shpejt këtë transferim. Klubi katalanas ka nevojë për përforcime në prapavijë, teksa Tah shihet si një opsion cilësor dhe ekonomik për të forcuar mbrojtjen.
Megjithatë, konkurrenca është e fortë, me Liverpool-in, që gjithashtu është futur në garë për të. Sipas gazetarit Christian Falk, klubi anglez e sheh Tah si një alternativë të mundshme në rast të largimit të Virgil van Dijk, i cili ende nuk ka rinovuar kontratën që i skadon në qershor.
“Reds” po ndjekin edhe Nico Schlotterbeck, por negociatat me Borussia Dortmundin mund të jenë më të ndërlikuara. Duke qenë se Tah është në kulmin e karrierës dhe në dispozicion si lojtar i lirë, pritet një garë e fortë mes klubeve për të siguruar firmën e tij.
Po ndodh...
Edi Rama, një Caligula me smartphone në dorë!
Nga Irena Beqiraj
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128