Lajme flash
Buffon: Interi mbetet favoriti i madh, Tudor ka energji për të transmetuar tek Juvja
1 Prill 2025, 20:11 / SPORT
‘Që nga korriku kam thënë se Napoli do të përfundojë i pari ose i dyti, duke marrë të mirëqenë që Interi është skuadra më e fortë.
Megjithatë, angazhimet e shumta mund të kenë një ndikim negativ te zikaltrit, pasi kanë një kalendar të mbushur me ndeshje të rëndësishme çdo tre ditë’.
Këto janë fjalët e Gigi Buffon, 10 herë kampion i Italisë me Juventusin, i cili ka folur për garën e titullit gjatë ‘Gtalk’, një konferencë mbi rrjetet sociale, të rinjtë dhe botën dixhitale, e organizuar nga ‘Gazzetta di Parma’.
Ish-portieri legjendar ka vlerësuar gjithashtu emërimin e Igor Tudor-it në stolin e Juventusit: "Igor-i e njeh shumë mirë ambientin, ka energji për të transmetuar dhe skuadra kishte nevojë për diçka të tillë nga trajneri.
Për sa i përket së ardhmes, duhet të presim".
Para publikut të qytetit që e ngriti në majat e futbollit botëror, Buffon foli edhe për betejën për mbijetesë në Serinë A:
"Parma do të luftojë me Lecce-n. E shoh skuadrën të vetëdijshme për objektivin që duhet të arrijë.
Propozon më pak në lojë, por duket më e ekuilibruar se më parë, gjithmonë brenda ndeshjes dhe pa momente paniku.
Seria e rezultateve pozitive ka rritur shpresat për shpëtim.
Mendoj se rruga do të jetë e vështirë, duke parë kalendarin, por Parma kundër ekipeve të mëdha gjithmonë ka bërë paraqitje të shkëlqyera dhe ka marrë edhe pikë".
Po ndodh...
Rama-Meta, si aleanca e 1 Prillit zhbëri Shqipërinë
Nga Namir Lapardhaja
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128