English
Luaj me Fjalëkryq
Lajme flash

Disfata me Vllazninë, trajneri i Skënderbeut: Jemi të mërzitur, bëjmë gabime naive! Shkëmbi në rrezik për shkarkimin nga Tirana

4 Nëntor 2024, 12:37 / SPORT ALFA PRESS

Disfata me Vllazninë, trajneri i Skënderbeut: Jemi të

Vllaznia është ngjitur në krye të Superligës të paktën përkohësisht. Shkodranët për llogari të javës së 12 mposhtën në Loro Boriçi 2-0 Skënderbeun me golat e Balajt dhe Dodajt. Një fitore që i dërgoi të besuarit e Brdaric në kuotën e 21 pikëve, ndërsa korçarët ndodhen në një moment delikat.

“Jam i lumtur për futbollistët e mi sepse shënuan dy gola të rëndësishëm. Mbajtëm portën të paprekur kur kemi bërë 3 ndeshje radhazi. Ishte shumë e vështirë, por kemi marrë 7 pikë në 3 ndeshje dhe mendoj se është çdo gjë në rregull,”-u shpreh Thomas Brdaric, trajner i Vllaznisë.

“Shumë i kënaqur për golin, por jam më i kënaqur për 3 pikët, për ecurinë e ekipit dhe shpresoj të vazhdojmë kështu,"-tha Kevin Dodaj, futbollist i Vllaznisë.

“Ne jemi të mërzitur dhe deri më tani nuk jemi qetë. Nuk jemi mirë. Sot ishim edhe naiv sepse goli i parë erdhi nga një gabim. Po kontrollonim topin dhe në një moment Ramos nuk pason siç duhet,”-deklaroi Ivan Gvozdenovic, trajner i Skënderbeut.

Më herët Egnatia u rikthye te fitoret, duke mposhtur 1-0 Tiranën, që tani është futur në krizë. Te bardheblutë kanë nisur zërat që presin shkarkimin e trajnerit Bledi Shkëmbi, i cili shpeshherë është ankuar edhe degdisjen e Tiranës në shumë stadiume të Shqipërisë.

Sot ndërkohë do luhen 3 sfidat e mbetura të javës së 12 të Superligës, me Partizanin që në orën 18:00 pret Teutën me qëllim për t’u kthyer në krye të renditjes. Në të njëjtën orë, Elbasani pret Dinamon e Ilir Dajës.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128