Lajme flash
Humbja ndaj Dortmund, Kimmich bën autokritikë: Po e luanim ndeshjen si miqësore!
31 Mars 2024, 13:07 / SPORT
Mesfushori i Bayern Munich, Joshua Kimmich, ka kritikuar shokët e skuadrës pasi bavarezët pësuan një humbje 2-0 në shtëpi ndaj rivalëve të Borussia Dortmund në Bundesliga.
Der Klassiker duhej fituar patjetër nga Bayerni për të qëndruar gjallë në garën për titull. Megjithatë, golat e sulmuesit gjerman Karim Adeyemi (10′) dhe mbrojtësit të krahut norvegjez Julian Ryerson (83′) i ndëshkuan bavarezët.
Ishte humbja e tyre e parë ndaj Dortmundit në Allianz Arena në një dekadë. Kimmich është befasuar nga mungesa e pasionit dhe vendosmërisë mes shokëve të tij, duke i kritikuar ata pas ndeshjes.
Ai tha për Sky Sports Gjermani:
“Pyes veten se si mund të bëjmë një paraqitje të tillë në një ndeshje si kjo. Është krejtësisht e pashpjegueshme për mua; është plotësisht e pakuptueshme.
“Në pjesën e dytë, kishe ndjenjën se asgjë nuk ishte në rrezik. Ishte si një ndeshje miqësore. Ne lojtarët duhet të shkojmë në shtëpi dhe të pyesim veten”.
Kimmich gjithashtu paralajmëroi shokët e tij për çerekfinalen vendimtare të Champions League kundër Arsenalit që do të zhvillohet në prill, duke shtuar:
“Nëse luajmë kështu, do të jetë e vështirë javën e ardhshme kundër Heidenheim dhe, natyrisht, edhe në Champions League”.
Arsenali do të presë Bayern Munich në Emirates në ndeshjen e parë të çerekfinales së Champions-it më 9 prill, ndërsa ndeshja e kthimit në Gjermani është planifikuar më 17 prill.
E vërteta dhemb, hapini sytë!
Nga Erl Kodra
ide
11 maji, referendumi për fundin e berishizmit
Nga Ervis Iljazaj
Zoti Berisha, mos jep dorëheqje se i duhesh Ramës edhe për 2029
Nga Kreshnik Spahiu
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128