Lajme flash
Levandovski iu përgjigjet kritikëve të Jamalit: Ai nuk është më fëmijë, do të luajë edhe më mirë këtë sezon
26 Korrik 2025, 17:12 / SPORT
Robert Levandovski foli për shokun e tij të skuadrës te Barcelona, Lamine Jamal. Në zonën e përzier në prag të miqësores kundër Visel Kobe, polaku u shpreh se: “Tani ai nuk është më fëmijë, është i rritur sepse është tashmë 18 vjeç. Lamine mund të luajë më mirë se vitin e kaluar. Çdo vit ai do të jetë më i mirë.” Tani në sezonin e tij të katërt me Barcelonën, Leva komentoi shkurtimisht edhe për ardhjen e Markus Rashford në ekip, me kërkesë të qartë të Hansi Flik: “Ai do ta bëjë ekipin më të mirë. Është një lojtar shumë i talentuar, luajti kundër nesh me Mançester Junajtid dhe ishte në formë të shkëlqyer. Mund të luajë në pozicione të ndryshme dhe mund të na ndihmojë.”
“Për mua, gjëja e rëndësishme është se ku duam të arrijmë dhe sa tituj duam të fitojmë. Synimet e mia mund të ndihmojnë. Mendoj se mund të përmirësohemi, kemi më shumë përvojë dhe pas një viti të parë me Flik, të gjithë e kuptojmë njëri-tjetrin tani”, theksoi ai.
Së fundmi, një koment thelbësor për të ardhmen e tij, duke pasur parasysh se ka vetëm një vit tjetër në kontratën e tij: “Rinovim? Nuk e di. Jam i qetë, por për mua, nuk ka rëndësi se çfarë ndodh në fund të sezonit; gjëja kryesore është ajo që ndodh gjatë sezonit”, përfundoi Levandovski.
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128