Lajme flash
Michel Platini kritikon ashpër VAR-in: Jam i lodhur nga ndërhyrjet e tij
11 Mars 2026, 22:44 / SPORT
Michel Platini ka rikthyer edhe një herë debatin rreth përdorimit të sistemit Video Assistant Referee (VAR), duke kërkuar ndryshime të mëdha në mënyrën se si zbatohet teknologjia në futboll.
Ish-presidenti i UEFA-s dhe tre herë fituesi i 'Topit të Artë' kritikoi përdorimin e gjerë të VAR-it gjatë një interviste në emisionin 'After Foot' të RMC Sport, duke theksuar se teknologjia po ndryshon thelbin e rregullave të lojës.
Sipas legjendës franceze, VAR-i duhet të përdoret vetëm në raste shumë specifike, veçanërisht për verifikimin e pozicioneve jashtë loje.
“Nëse do të isha në pozicionin e FIFA, por nuk jam, do ta përdorja VAR-in vetëm për linjat dhe për pozicionet jashtë loje, në situata kur është jashtëzakonisht e vështirë që gjyqtari ta shohë qartë rastin”, deklaroi Platini.
Ai u shpreh veçanërisht kritik për ndërhyrjet e VAR-it në rastet e topit me dorë, duke argumentuar se vendime të tilla janë shpesh subjektive dhe po detyrojnë ndryshime të panevojshme në rregullat e arbitrimit.
“Jam i lodhur nga ndërhyrja e VAR-it në situatat e topit me dorë. Një top me dorë mund të jetë i qëllimshëm ose i paqëllimshëm. Ata po ndryshojnë të gjitha rregullat e arbitrimit vetëm për t’i përshtatur me VAR-in”, përfundoi ish-presidenti i UEFA-s.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128