Lajme flash
Ndërroi jetë nga ataku në zemër, kush është legjenda që i dha botërorin Gjermanisë
20 Shkurt 2024, 16:12 / SPORT
Gjermania ka humbur një tjetër kampion botë në futboll, por që emri i tij nuk do të harrohet kurrë. Bëhet fjalë për mbrojtësin Andreas Brehme, i cili u nda nga jeta në moshën 63-vjecare në Mynih. Legjenda e futbollit gjerman, njeriu që i dha panzerave finalen e botërorit të 1990-ës, duke shënuar golin e vetëm ndaj Argjentinës, humbi jetën orët e para të së martës, si pasojë e arrestit kardiak. Brehme prej kohësh vuante nga probleme të ndryshme shëndetësore, për të cilat merrte trajtim mjekësor.
Emri i tij nuk do të harrohet kurrë, jo vetëm në Gjermani, por edhe në Itali ku ka luajtur për skuadrën e Interit apo dhe në Spanjë tek Zaragoza. Në karrierën e tij si futbollist ka fituar botërorin me kombëtaren e Gjermanisë, Bundesligën me BAyernin dhe Kaiserslautern, Serinë A me Interin dhe kupën e mbretit në Spanjë me Zaragozan. Krahas tyre fitoi dhe disa trofe individual për performancën e jashtëzakonshme në fushë.
Pika e fortë e Brehme ishte fasha e majtë, aty ku si mbrojtës spikati duke mbuluar gjithë linjën, madje dhe krosimet e tij të cilat shpesh ishin assist për gol. Kujtojmë se krahas karrierës së shkëlqyer si futbollist, punoi dhe si trajner për 6 vite. Pas lajmit për ndarjen nga jeta të tij, reaguan dhe skuadrat për të cilat ka dhënë kontributin ndër vite.
Po ndodh...
Pse Aleanca Madhështore përfundoi në Foltore 2
Nga Namir Lapardhaja
ide
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128