Pas duelit ndaj Partizanit/ Sulmohen me gurë autobusi i tifozëve të Skënderbeut

18 Maj 2024, 09:48 / SPORT ALFA PRESS

Pas duelit ndaj Partizanit/ Sulmohen me gurë autobusi i tifozëve
Dy autobusë me tifozë të Skënderbeut u sulmuan me sende të forta (gurë) pas përfundimit të ndeshjes me Partizanin që u luajt mbrëmjen e 17 majit në stadiumin “Air Albania’.

Nga pamjet e publikuara në media shihet autobusi me xhama të thyer nga gurët por fatmirësisht nuk ka pasur të lënduar.

Tifozët korçarë kanë kërkuar ndihmën e policisë në hyrje të qytetit të Elbasanit. Pasi janë kryer veprimet hetimore autobusët me tifozë janë larguar për të vijuar rrugën drejt qytetit të Korçës.

Partizani fitoi 1-0 kundër Skënderbeut në gjysmëfinalen e “Final 4” dhe është finalisti i parë për në finalen e 26 majit.

 

Po ndodh...