Lajme flash
Tetë futbollistë nuk mjaftojnë, Milani kërkon edhe tre të tjerë
31 Korrik 2023, 23:47 / SPORT
Sportiello, Loftus-Cheek, Pulisic, Romero, Reijnder, Okafor, Chukweze dhe Musah. Plot 8 futbollistë të afruar deri tani nga Milani, megjithatë kuqezinjtë nuk kanë ndërmend të ndalen në merkato.
Në organikën e Stefano Piolit mungojnë ende një sulmues pykë, një regjisor dhe një mbrojtësi i majtë, teksa pritet të largohen Ballo-Toure dhe Colombo në huazim.
Sa i përket sulmuesit, kuqezinjtë kanë piketuar Alejo Veliz, 20-vjeçar argjentinas që luan me Rosario Central dhe ka shënuar 12 gola në 44 ndeshjet e luajtura në dy sezonet e fundit.
Veliz shihet si profili i duhur për t’u rritur nën hijen e Giroud dhe për t’u shndërruar në udhëheqësin e repartit të avancuar. Sa i përket mesfushorit, Pioli po vlerëson si fillim Lorenzo Colombon, por nuk ka marrë përgjigjet e duhura, ndaj italiani mund të huazohet edhe një sezon në Serinë A.
Ndërkohë, po në Argjentinë ndiqet me interes Federico Redondo i Argentnos Juniors, djali i Fernando Redondos, ish-mesfushorit të Milanit. Edhe Redondo është vetëm 20 vjeç, teksa në Argjentinë e lavdërojnë jo vetëm për forcën fizike, por edhe cilësitë teknike.
Për krahun e majtë kuqezinjtë duan të afrojnë një anësor që të zëvendësojë Theo Hernandezin, pasi Ballo-Toure është vetëm një hap larg transferimit te Bologna.
Emri që ndiqet me interes është ai i Calafiorit, që është pjesë e Baselit në Zvicër. Gjithashtu pëlqehet edhe Luca Pellegrini, që aktualisht është në pronësi të bardhezinjve, por ka një çmim të lartë prej rreth 15 milionë eurosh.
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128