Lajme flash
Çudira nga futbolli shqiptar/ Trajneri probleme me drejtësinë, Delvinën e drejton mjeku i ekipit
9 Mars 2025, 15:49 / SPORT
Kategoritë inferiore në futbollin shqiptar prodhojnë shpesh episode të çuditshme. Një prej tyre vjen sot në ndeshjen mes Maliqit dhe Delvinës.
Markelian Alinani, trajneri i ekipit të Delvinës (i njohur prej dekadash si “Bistrica”), u ndalua të martën e kësaj jave (4 mars 2025), me urdhër të Prokurorisë së Gjirokastrës, si i përfshirë në një grup të strukturuar kriminale që kishte aktivitet në trafikimin e lëndëve narkotike.
Në mungesë të trajnerit, në stadiumin “Jovan Asko” të Maliqit ka rënë në sy se mjeku i ekipit po bën edhe trajnerin te miqtë.
Përveç hyrjes në fushë, kur duhet të japë ndihmë mjekësore, ai udhëzon edhe lojtarët e Delvinës në Kategorinë e Dytë.
Kujtojmë se Markelian Alinani, dikur futbollist i skuadrës së Bistricës në Delvinë, është përmendur disa herë në kronikën policore.
Në vitin 2012, kur ai ishte rreth 35 vjeç, është arrestuar, si pjesë e një grupi që po trafikonte lëndë narkotike kanabis nga Lazarati, drejt Sarandës.
Në vitin 2021, Markelian Alinani u arrestua sërish me urdhër të Prokurorisë së Posaçme, kësaj radhe nën dyshimet se ishte përfshirë në veprën penale të “paracaktimit të ndeshjeve sportive”. Emri i Alinanit u shfaq gjatë një hetimi të SPAK-ut për ish-prokurorin e Sarandës, Sali Hasa.
Tashmë, ai u ndalua sërish, nga një hetim i nisur fillimisht nga Prokuroria e Posaçme (SPAK), e cila më pas e kaloi rastin për ndjekje nga prokuroria e Gjirokastrës.
-
-
Dhunoi mbesën, arrestohet 34-vjeçari në Gjirokastër
9 Mars, 15:36 -
Franca përshpejton dërgesat e armëve në Ukrainë
9 Mars, 15:32 -
-
Po ndodh...
ide
top
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128