Lajme flash
‘Volli dy herë para policëve, s’qëndronte dot në këmbë’, zbulohen detaje nga arrestimi i legjendës së Arsenalit
2 Prill 2025, 19:17 / SPORT
Jens Lehmann, ish-portier i famshëm gjerman dhe ish-lojtar i Arsenalit, u arrestua në shtator të vitit 2024 për drejtim mjeti në gjendje të dehur, pas festimeve të Oktoberfest-it.
Megjithatë, gazeta gjermane ‘Bild’ ka zbuluar detaje të reja mbi këtë rast, gati shtatë muaj më vonë.
Sipas burimeve, ish-futbollisti u detyrua të ndalonte dhe të dilte nga makina, por nuk arrinte as të qëndronte në këmbë pa u mbajtur tek automjeti i tij, duke përfunduar duke vjellë dy herë para policëve.
Për këtë arsye, Lehmann nuk arriti të kryente testin e alkoolit, pasi "nuk mund të frynte më", dhe përfundoi i dërguar në komisariat dhe më pas në Institutin e Mjekësisë Ligjore në Mynih për analiza të gjakut.
"Lehmann iu nënshtrua një kontrolli policor më 23 shtator 2024, rreth orës 01:30, për shkak të sjelljes së tij të pazakontë gjatë drejtimit të makinës në qendër të Mynihut.
Policia vuri re një erë të fortë alkooli dhe një qëndrim të pasigurt. Testi i alkoolit nuk dha një rezultat të vlefshëm, ndaj u kërkua një mostër gjaku dhe iu konfiskua patenta e drejtimit," informoi Prokuroria.
Përveç humbjes së patentës, gjermani u detyrua të paraqitej në gjykatë dhe të paguante një gjobë prej më shumë se 70 mijë eurosh.
Megjithatë, ky nuk është incidenti i tij i parë me ligjin: disa vite më parë, ai u shpall fajtor për dëmtime materiale, pasi sulmoi garazhin e fqinjit me një sharrë elektrike.
Për këtë, ai u dënua me një dënim me kusht dhe një gjobë prej 134 mijë eurosh, e cila më vonë u reduktua në 60 mijë.
Po ndodh...
Tallja e Ramës me integrimin në BE
Nga Namir Lapardhaja
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128