Efektivët arrestojnë me tritol në dorë të riun në Paskuqan, zbulohet e shkuara e tij problematike

Një 37-vjeçar është vënë në pranga nga Policia e Tiranës pasi tentoi t’i vendoste trotilin një ndërtese.

Burime nga grupi hetimor bëjnë me dije se i riu i maskuar me maskë silikoni, pavarësisht tentativave për t’i ikur policisë është vënë në pranga blutë e Tiranës.

Ndërsa mëoshet se janë sekuestruar  sasi lënde eksplozive (gati për shpërthim), 10 litra lëndë djegëse, 1 armë zjarri (pistoletë) me municion, 1 maskë silikoni dhe 1 motomjet pa targa (i dyshuar i vjedhur).

Bëhet me dije se Policia ika tentuar të ndalojë automjetin me të cilin ai lëvizte, por ai nuk i është bindur urdhërit dhe është zhdukur nga vendngjarja për të mos u arrestuar për pak çaste.

Nga hetimet e bëra rreth shtetasit në fjalë dyshohet se shtetasi i arrestuar, P. D, më datë 03.10.2025, në rrugën “Besim Cera”, Paskuqan 1, ka qëlluar me armë zjarri në drejtim të banesës së shtetasit Q. K., dhe më pas ka djegur automjetin e përdorur gjatë kryerjes së krimit, në afërsi të urës së fshatit Tapizë.

Ndërsa më datë 17.10.2025, në rrugën “Unaza e Madhe”, Paskuqan 2, ka hedhur një sasi lënde plasëse në banesën e shtetasit Rr. D., ngjarje nga e cila janë shkaktuar vetëm dëme materiale.

Njoftimi i policisë

Parandalohet një ngjarje e mundshme kriminale kundër personit dhe pronës, si dhe zbardhen 2 të tilla, të kryera nga një shtetas me rrezikshmëri të lartë shoqërore.

Kapet, si rezultat i ndjekjes policore, një 37-vjeçar që kishte siguruar, për qëllime kriminale, lëndë eksplozive, lëndë djegëse, armë zjarri dhe një motomjet të dyshuar të vjedhur, pa targa.

Në momentin e ndalimit, ai kishte vendosur maskë silikoni.

Sekuestrohen sasi lënde eksplozive (gati për shpërthim), 10 litra lëndë djegëse, 1 armë zjarri (pistoletë) me municion, 1 maskë silikoni dhe 1 motomjet pa targa (i dyshuar i vjedhur).

Si rezultat i vigjilencës së shtuar të shërbimeve të Policisë së Tiranës, për garantimin e sigurisë së qytetarëve, si dhe falë intensifikimit të kontrolleve dhe administrimit të informacioneve në rrugë operative, shërbimet e Komisariatit të Policisë Nr. 5, në bashkëpunim me specialistët e Seksionit për Hetimin e Krimeve të Rënda, finalizuan operacionin policor të koduar “Kontigjenti”.

Gjatë operacionit, i është bërë shenjë ndalimi motomjetit pa targa, me të cilin lëvizte shtetasi P. D., 37 vjeç, banues në Paskuqan.

37-vjeçari nuk i është bindur urdhrit të Policisë, por ka vijuar lëvizjen me shpejtësi, me motomjet.

Si rezultat i ndjekjes policore, është bërë kapja dhe arrestimi i tij, në afërsi të liqenit të Paskuqanit.

Në momentin e ndalimit, është konstatuar se 37-vjeçari kishte vendosur maskë silikoni dhe gjatë kontrollit fizik dhe në motomjet, shërbimet e Policisë i gjetën sasi lënde eksplozive, gati për shpërthim, 10 litra lëndë djegëse dhe 1 armë zjarri (pistoletë) me municion.

Nga hetimet e mëtejshme dyshohet se shtetasi i arrestuar, P. D, më datë 03.10.2025, në rrugën “Besim Cera”, Paskuqan 1, ka qëlluar me armë zjarri në drejtim të banesës së shtetasit Q. K., dhe më pas ka djegur automjetin e përdorur gjatë kryerjes së krimit, në afërsi të urës së fshatit Tapizë, si dhe më datë 17.10.2025, në rrugën “Unaza e Madhe”, Paskuqan 2, ka hedhur një sasi lënde plasëse në banesën e shtetasit Rr. D., ngjarje nga e cila janë shkaktuar vetëm dëme materiale.

Më tej, dyshohet se motomjeti me të cilin 37-vjeçari u konstatua duke lëvizur gjatë natës, në rrugën “Mustafa Lita”, është i vjedhur.

Nën drejtimin e Prokurorisë, vijon puna intensive për identifikimin dhe kapjen e bashkëpunëtorëve të mundshëm të 37-vjeçarit, si dhe për zbardhjen e ngjarjeve të tjera kriminale në të cilat mund të jetë përfshirë ai.

Materialet procedurale iu referuan Prokurorisë së Tiranës, për veprime të mëtejshme.

Po ndodh...

09:15 KOSOVA

Sot nisin diskutimet për çështjen e Presidentit në Kosovë, Kurti dhe Abdixhiku zhvillojnë bisedime

09:05 AKTUALITET

Shpërthimi i fuqishëm panikosi Lezhën, reagon policia: Ishte bombol gazi, automjete dhe tetë biznese të dëmtuara

08:54 EKONOMI&SOCIALE

Rritja e çmimit të naftës nuk i pengon shqiptarët të blejnë makina! Importi arriti rekord historik në mars! 3-fishohen dhe mjetet elektriket

08:42 EKONOMI&SOCIALE

Këmbimi valutor sot/ Me sa lekë blihen e shiten valutat kryesore, çfarë ndodh me monedhat e tjera

08:39 AKTUALITET

U komandua pas arratisjes së Altin Ndocit/ Ndërron jetë drejtori i burgut të Durrësit

08:23 AKTUALITET

Kushte atmosferike të qëndrueshme, parashikimi i motit për këtë të hënë

08:20 BOTA

Media amerikane: Po diskutohet një armëpushim 45-ditor mes SHBA dhe Iranit! Çfarë parashikojnë dy fazat e marrëveshjes

08:02 JETË

Horoskopi Ditor E Hënë 6 Prill 2026

00:01 SPORT

Më i miri në fushë ndaj Pizës, Ismajli: Me këtë fitore, mund të flemë të qetë

00:00 Fjalëkryq

Skemë e lirë 6 prill

23:38 BOTA

Zelensky në Damask, takohet me udhëheqësin sirian: Marrëveshje bashkëpunimi në fushën e sigurisë dhe forcimin e stabilitetit ekonomik në rajon

23:19 BOTA

BE ndalon përdorimin e IA në komunikimet zyrtare

23:03 BOTA

Tensionet në rajon dhe përshkallëzimi i sulmeve/ Rritje e çmimeve të karburantit në Bullgari, shkak lufta në Iran

22:42 BOTA

Kriza e karburanteve/ Senegali u ndalon ministrave udhëtimet jashtë vendit për shkak të rritjes së çmimit

Dua të lexoj më shumë lajme