English
Luaj me Fjalëkryq
Lajme flash

EMRI/ Pjesëmarrës në një organizatë kriminale në Itali, arrestohet në Kavajë 26-vjeçari shqiptar i shpallur në kërkim ndërkombëtar

4 Shtator 2024, 13:47 / AKTUALITET ALFA PRESS

EMRI/ Pjesëmarrës në një organizatë kriminale në

Drejtoria e Forcës së Posaçme Operacionale në Departamentin e Policisë Kriminale (DPPSH) ka arrestuar shtetasin e shpallur në kërkim ndërkombëtar, Viktor Tafa.

Sipas burimeve nga policia, 26-vjeçari bënte pjesë në një organizatë kriminale në Itali, ku më herë edhe Gjykata e Bolonjës i ka caktuar këtij shtetasi, masën e sigurisë “Arrest në burg”, për veprën penale “Trafikimi i lëndëve narkotike”.

Njoftimi i plotë:

Drejtoria e Forcës së Posaçme Operacionale në Departamentin e Policisë Kriminale në DPPSh finalizoi operacionin policor të koduar “Operacionalja 16”.

Kapet në Kavajë, një 26-vjeçar i akuzuar për pjesëmarrje në organizatë kriminale në Itali, për trafikim të lëndëve narkotike.

Si rezultat i informacioneve të siguruara nga inteligjenca policore dhe të shkëmbyera me partnerët në Itali, në kuadër të planit operacional policor të koduar “Para drejtësisë”, mbi vendndodhjen e një shtetasi shqiptar, të shpallur në kërkim ndërkombëtar, për llogari të Italisë, Drejtoria e Forcës së Posaçme Operacionale, gjatë operacionit policor të koduar “Operacionalja 16”, kapi në Kavajë dhe vuri në pranga shtetasin V. T., 26 vjeç, i lindur në Kavajë.

Në vitin 2023, Gjykata e Bolonjës i ka caktuar këtij shtetasi, masën e sigurisë “Arrest në burg”, për veprën penale “Trafikimi i lëndëve narkotike”, kryer në kuadrin e organizatës kriminale.

Vijon bashkëpunimi ndërmjet Interpol Tiranës dhe Interpol Romës, për ta ekstraduar këtë shtetas, në Itali.



Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128