English
Luaj me Fjalëkryq
Lajme flash

Çfarë po fshehin nga vdekja e Enver Sheshit? Institucionet pengojnë vëzhguesit e e Komitetit Shqiptar të Helsinkit

12 Janar 2023, 17:23 / AKTUALITET ALFA PRESS

Çfarë po fshehin nga vdekja e Enver Sheshit? Institucionet

Enver Sheshi i arrestuar për aferën e Inceneratorëve ndërroi jetë pak ditë më parë.

Pasi u ndje keq 59 vjeçari u nxjerr me urgjencë nga burgu ‘’313’ dhe u dërgua më pas në QSUT ku dhe ndërroi jetë, për shkak të një arresti kardiak.

Hetimet kanë nisur tashmë për zbulimin e plotë të shkaqeve që çuan në humbjen e jetës.

Por gazetari Lutfi Dervishi në një postim të tij ka treguar sorollatjet 48 orëshe të vëzhguesit të Komitetit Shqiptar të Helsinkit nga institucionet që duhet të ishin të alarmuar për rastin.

Statusi i plotë:

Vdekja në paraburgim

48 orë sorollatje

Vëzhguesit e Komitetit Shqiptar të Helsinkit kërkuan informacion tek autoritetet përkatëse për rrethanat e vdekjes z. E. Shehi I paraburgosur në IEVP, nr 313 për aferën e incineratorëve.

Më poshtë janë sorollatjet 48 orëshe të institucioneve që duhet të ishin të alarmuar për rastin!

Dita e parë

1.

Drejtori i Burgut 313, nuk i lejoi monitoruesit për të vëzhguar me justifikimin se çështja është në hetim dhe informacionet përbëjnë sekret hetimor.

Vëzhguesit: A ka vuajtur viktima nga probleme kardiake?

Përgjigje: Jo. Të dielën në orën 16:10 ka shfaqur disa ankesa dhe mjeku dhe ndihmës mjeku i kanë dhënë menjëherë ndihmën e shpejtë. Në orën 16:20 ka mbërritur në QSUT.

2.

Prokuroria e Tiranës: “nuk kemi asnjë kallëzim të regjistruar për këtë çështje. Presim që policia të bëjë verifikimet brenda 5 ditëve. Bëni kërkesë zyrtare për informacion.

3.

QSUT: Vëzhguesit presin mbi 1 orë e 30 minuta, sepse sekretari i përgjithshëm nuk ishte dhe stafi ishte në një aktivitet. Në fund të pritjes informacioni i vetëm që morën ishte: bëni kërkesë zyrtare për informacion.

4.

Avokatja e çështjes: më dërgoni me email pikat që do të diskutoni dhe të premten jam e gatshme t’iu takoj.

Dita e dytë

5.

Drejtoria e Policisë Tiranë: Shkoni te drejtoria e përgjithshme e policisë sepse ne nuk kemi informacion. Kjo çështje është në kopetencë të SPAK-ut.

6.

Drejtoria e Përgjithshme e Policisë: “Shkoni te komisariati nr 3, që është afër burgut”

7.

Komisariati nr 3.: “Shkoni te komisariati nr. 4, sepse është afër Institutit të Mjekësisë Ligjore ku është bërë autopsia e viktimës”.

8.

Komisariati nr. 4, Oficeri I Policisë Gjyqësore: “Dje i kam dërguar prokurorisë një shkresë për referimin e disa materialeve për veprime të mëtejshme proceduriale’ (pra nuk ka kallëzim). Bashkëlidhur shkresës kanë qenë disa dokumenta që vëzhguesve nuk ju vunë në dispozicion (procesverbali kryerjes së ekspertimit mjeko-ligjor, akti I kqyrjes së kufomës dhe të dhënat e sistemit TIMS.)

9.

Instituti I Mjekësisë Ligjore: “Autopsia vonon edhe 30 ditë. Për rastin konkret nuk e dimë se kur do të dalë dhe në çdo rast, për çdo dokument bëni kërkesë zyrtare për informacion.

10.

Prokuroria e Tiranës: “nuk ka shkresë të mbëritur nga komisariati nr 4. Nuk është hedhur në sistem ndonjë e dhënë për këtë çështje “.

Vëzhguesit: Drejtori i burgut na tha se janë sekuestruar dokumentat e çështjes nga prokuroria. A keni informacion në lidhje më këtë?

Përgjigja: Bëni kërkesë zyrtare për informacion.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128