Gripi “mbingarkon” Pediatrinë në Elbasan, mbi 110 fëmijë çdo ditë në urgjencë

Një valë e fortë gripi po prek masivisht fëmijët në Elbasan, duke e çuar shërbimin e Pediatrisë në kufijtë e kapacitetit. Mbi 110 të mitur paraqiten çdo ditë për të marrë ndihmën e parë mjekësore, ndërsa numri i shtrimeve është ndër më të lartët e viteve të fundit, duke ezauruar plotësisht kapacitetet e institucionit shëndetësor.

Mjekët raportojnë se fluksi i lartë ka nisur që prej festave të fundvitit dhe vijon me intensitet të pandërprerë. Sipas shefes së Pediatrisë, Irena Palloshi, pacientët e vegjël paraqiten kryesisht me temperaturë të lartë, të cilën e cilësojnë “rebele”, si dhe me probleme në rrugët respiratore. Në mjaft raste, këto simptoma shoqërohen me komplikacione virale që kërkojnë trajtim të specializuar dhe monitorim spitalor.

“Virozat e stinës kanë prekur në mënyrë masive të gjitha grupmoshat pediatrike. Po përballemi me forma më agresive të gripit, me temperaturë të lartë dhe vështirësi respiratore. Është e rëndësishme që prindërit të reagojnë herët dhe të mos neglizhojnë shenjat e para”, shprehet ajo.

Nga muaji janar e deri më tani, rreth 1350 fëmijë kanë marrë ndihmën e parë në pavijonin e Pediatrisë, ndërsa mbi 575 raste kanë përfunduar me shtrim në spital ,një shifër që konfirmon presionin e jashtëzakonshëm mbi sistemin.

Mjekja apelon për vigjilencë të shtuar nga ana e prindërve, duke theksuar rëndësinë e kontrollit të menjëhershëm mjekësor në rast temperature të lartë të vazhdueshme, kollë të fortë, vështirësi në frymëmarrje apo përkeqësim të gjendjes së përgjithshme të fëmijës.

Ndërsa sezoni i virozave vijon, strukturat shëndetësore në Elbasan mbeten në gatishmëri të plotë, por sfida kryesore mbetet menaxhimi i fluksit të lartë dhe shmangia e komplikacioneve tek më të vegjlit.

Po ndodh...

09:24 AKTUALITET

Reshje shiu dhe dëbore në Kukës, rënie gurësh në aksin Bajram Curr-Valbonë

09:08 EKONOMI&SOCIALE

Çfarë po ndodh sot me monedhat e huaja? Ja me sa po blihen dhe shiten dollari dhe euro

08:55 BOTA

Monstruoze në Ekuador! Grupet kriminale paralajmërojnë banorët me mesazhe të frikshme, gjendet trupa të pajetë

08:45 BOTA

SHBA dërgon aeroplanmbajtësen e dytë/ Trump për ndryshim regjimi në Iran: Do të ishte gjëja më e mirë

08:19 AKTUALITET

Vranësira e reshje gjatë ditës/ Parashikimi i motit për sot, 13 shkurt 2026

08:14 JETË

Horoskopi Ditor E Diel 15 Shkurt 2026

00:03 SPORT

Partizani-Tirana, nesër derbi i 181-të mes skuadrave, njihuni me statistikat

00:00 Fjalëkryq

Skemë e lirë 15 shkurt

23:46 BOTA

Shpërthim në një festë karnavalesh në Zvicër, të paktën 11 të plagosur

23:28 SHOWBIZ

Cili do të jetë fati i Kristit? Vëllai i Madh i jep mundësinë e fundit banorit, publik do të vendosë për rikthimin e tij në shtëpi ose jo

23:14 SPORT

Tërbohen drejtuesit e Juventusit pas derbit: Ndeshje e manipuluar…

23:08 BOTA

Pse Lufta e Ftohtë nuk do të rikthehet më

23:00 AKTUALITET

Moti i keq “mbërthen” vendin/ IGJEUM: Priten reshje intensive dhe ngrica

22:47 SPORT

962 gola dhe nuk ndalet: Ronaldo vazhdon misionin historik

Dua të lexoj më shumë lajme