Lajme flash
I dyshuar për atentatin ndaj Hamza Terziut, GJKKO lë në burg pa afat për Edison Muçekun
31 Mars 2025, 10:40 / AKTUALITET
Pas ekstradimit nga Britania e Madhe, Gjykata e Posaçme ka lënë në burg Edison Muçekun, i dyshuar për sigurim kushtesh për atentat.
Këtë të hënë prokurori Alfred Shehu lexoi para gjykatës provat e mbledhura për 34-vjeçarin pjesë e dosjes “Revanshi”, ku u goditën 7 grupe kriminale.
Pikërisht në një prej këtyre grupeve bënte pjesë edhe Muçeku i dyshuar për tentativën e vrasjes së Hamza Terziut.
Sipas SPAK-ut, Edison Muçeku bashkë me Hektor Xheçukën, një tjetër të kërkuar, akuzohen se kanë qëlluar me armë zjarri drejt banesës në Bulqizë së Terziut me 21 Maj 2020.
Zbardhja e ngjarjes u bë e mundur falë zbërthimit të platformës “Sky Eç”, ku u zbuluan biseda dhe përfshirja e personave në krim.
SPAK ndërmorri një operacion bashkë me “Europol”-in dhe në maj të vitit të kaluar ndërhynë në disa qytete bashkë me 30 hetues dhe forca policore.
U kryen veprime hetimore në qytetet e Tiranës, Durrësit, Vlorës, Shkodrës, Lezhës, Rrëshenit, Kurbinit, Fushë-Krujës dhe Krujës ku dhe u lëshuan disa urdhra ndalimi.
Po ndodh...
Rama-Meta, si aleanca e 1 Prillit zhbëri Shqipërinë
Nga Namir Lapardhaja
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128