Ngacmoi s*ksualisht punonjësen e marketit, arrestohet 36-vjeçari shqiptar në Greqi!

3 Prill 2025, 14:30 / AKTUALITET ALFA PRESS

Ngacmoi s*ksualisht punonjësen e marketit, arrestohet 36-vjeçari

Autoritetet greke kanë arrestuar një 36-vjeçar shqiptar në qytetin Hania të Kretës, pasi një 30-vjeçare greke e denoncoi për ngacmim seksual.

Sipas raportimeve të mediave greke, incidenti ndodhi dy ditë më parë në një market, ku 30-vjeçarja punonte si punonjëse dhe po i shërbente shqiptarit, i cili ndodhej aty si klient.

Në një moment, ai iu afrua dhe e preku kundër dëshirës së saj, çka bëri që vajza të raportonte menjëherë rastin në polici.

Autoritetet arritën të kapnin dhe të arrestonin të dyshuarin brenda disa orësh, duke u akuzuar për sulm seksual.

Gjithashtu, burime zyrtare kanë bërë të ditur se 36-vjeçari nuk kishte dokumente të rregullta qëndrimi në Greqi, ndaj përveç akuzës së ngacmimit seksual, ndaj tij kanë nisur procedurat për dëbim. Aktualisht, shqiptari ndodhet në paraburgimin e Hanias.

 

Po ndodh...